Алтын күз

Табиғат жаратылысы өзіне тəн жыл он екі ай төрт мезгілмен ұштасады. Əр мезгіл өз сұлулығымен таңдай қақтырарлықтай. Оқушылардың күз туралы түсініктерін кеңейту және эстетикалық тәрбие беру мен оқушылар арасындағы қарым – қатынасты нығайту мақсатында бүгін 2018 жылдың 27 қазан күні #60ЖББОМ – де 9,10,11 класс оқушылары арасында ” Алтын күз – 2018 ” мерекелік сайысы өтті. Сайысқа қатысқан жұптардың байқауға мұқият дайындалғандығы, тақырыпқа креативті жандасқаны мен мұндалап тұрды. Сайысқа қатысушылар жан – жақты өнерлерімен көрермендерді таңдай қақтырды. Байқауға қатысқан жеті жұп төрт бағытта: сәлемдесу, өз өнері, сұрақ-жауап, үштілділікте сөздерді аудару және күз ханшайымы мен ханзадасын анықтау бойынша жоғары деңгейдегі сайыс өтті. Əділ қазылардың шешіміне орай бас жүлдені 11 ” Ə ” класс оқушылары Нұрзаман мен Аружан жеңіп алды. Жеңімпаздардың барлығы мектеп директорының алғыс хатымен марапатталды. Алдағы уақытта осындай белсенді де өнерлі оқушыларымыз көп болып, мектебіміздің беделін арттыра берсін деген ниет білдіреміз!

                                                                                                        Аманғалиева Ф.Е.