Ағылшын тілін үйренуге талпыныс

     Мақсаты:  қазіргі заманғы жаңа талапқа сай білім мазмұнын кеңейте отырып шет тілі арқылы жас ұрпақтың қызығушылығын арттыру;

     Міндеті: оқушыларға шет тілін үйрету барысында Англияның тарихын, сәулет өнерін, қайталанбас ерекше символдарын таныстыру; шет тілін үйренуге; қызығушылығын арттыруға қолайлы орта қалыптастыру;

Елбасы Н.Ә. Назарбаевтың “ Үштұғырлы тіл саясатын” жүзеге асыру мақсатында бүгінде елімізде ағылшын тілін ерте жастан оқыту жүйеге енгізілді. Бұл бастаманы қоштағандары да басым. Себебі ағылшын тілі-  ғылым мен білім тілі. Жоғарғы класс оқушыларына сөздік жаттау, аударма жасау арқылы тілді үйретуге болады. Ал, төменгі класта бұл мүмкін емес. 5-6 жастағы балалар тыңдаумен, қайталаумен бірге көру қабілеті арқылы үйренсе тез қабылдайды. Осы орайда мұғалім көптеген дидактикалық материалдар қолданады.Бұл да сабақ кезеңінде белгілі бір қиындықтар туғызуы мүмкін.

Осы кезде мұғалімге интерактивті тақта таптырмас көмекші. Көру, есту дағдысы, қимылды қайталау балалардың тілді тезірек игеруіне жәрдем береді. Сонымен бірге балалардың тілді үйренуіне қызығушылығын арттыру мақсатында өз кабинетімде Англияның  көрнекті орындары, символы, кейбір деректерімен жабдықтауды жөн көрдім.

Төменгі класс оқушыларының түске, суретке қызығушылығы жоғары болатын белгілі.

Лондондағы екі қабатты автобус, жаңбырлы ауа райы,киім үлгісі, Үлкен сағат (Big Ben), кейбір  ережелер мұның барлығы баланы қызықтырар түстермен бейнеленіп, үнемі дайын менің көрнекі құралыма айналды. Әр сабағымда  өз жұмысымның, ізденісімнің жемісін көріп келемін. Тілге қызыққан бала сол елдің өзіндік ерекшеліктерін де білгісі келеді.

Осы орайда, мен өз кабинетімді жасақтаған кездегі идеямның озық үлгі, ерекше ізденіс, сәтті бастама, жаңалық екеніне әр сабағым өткен сайын көз жеткіземін  және мақтан етемін. Оқушыларымның кейбір суреттерді, бейнелерді сұрап, қызығушылық танытқан кездерінде мақсатыма жеткендей қуанышты  күйге түсемін.

«№60 Жалпы білім беретін орта мектеп» КММ

                                                                     Ағылшын тілі кабинеті

                                                             Кобланова Айгуль Аубекеровна