«Ақтөбе қаласы білім бөлімі» ММ басшысының 2024 жылдың 24 қазан күні № 529 бұйрығымен Д. Қонаев атындағы жалпы білім беретін орта мектеп гимназиясының Қамқоршылық кеңесінің

«Ақтөбе қаласы білім бөлімі» ММ басшысының 2024 жылдың 24 қазан күні № 529 бұйрығымен Д. Қонаев атындағы жалпы білім беретін орта мектеп гимназиясының Қамқоршылық кеңесінің жаңа құрамы бекітілді. Кеңес 13 адамнан түрады. Қазақстан Республикасы Білім және ғылым министрінің 2017 жылғы 27 шілдедегі № 355 бұйрығының

2-қосымшасы Орта білім беру ұйымдарында, оның ішінде мамандандырылған және арнайы білім беру ұйымдарында Қамқоршылық кеңестің жұмысын ұйымдастырудың үлгілік қағидалары және оны сайлау тәртібіне сәйкес құрамында педагогикалық еңбек ардагері, үкіметтік емес ұйымның өкілі, ата – аналар, жергілікті өкілді органдарының өкілдері, ата – аналар комитетінің төрайымы, қайырымдылық жасаушылар бар.

Қамқоршылық кеңес орта білім беру ұйымдарының дамуына ықпал ететін және білім беру ұйымдардың қызметіне қоғамдық бақылауды қамтамасыз ететін алқалы басқару орган ретінде өз қызметін мына қағидаттар негізінде жүзеге асырады:

      1) тәуелсіздік;

      2) оның мүшелерінің өтеусіз негіздегі қызметі;

      3) еріктілік;

      4) ашықтық;

      5) жариялылық пен шынайылық.

Қамқоршылық кеңес мүшелері өз қызметінде:

1) Қазақстан Республикасының заңнамасын, осы Қағидалардың және өзге де нормативтік құқықтық актілердің талаптарын сақтауға;

2) өз қызметін білім беру ұйымымен, жұртшылықпен, жергілікті атқарушы және өкілді органдармен, мүдделі мемлекеттік органдармен және өзге де жеке және/немесе заңды тұлғалармен өзара іс-қимыл жасай отырып, жүзеге асыруға міндетті.

Қамқоршылық кеңес оқу орнының дамуы үшін маңызды шешімдерді қабылдауға ықпал етеді және оқу процесінің сапасын арттыруға көмектеседі. Сонымен қатар, кеңес мекеменің қаржылай тұрақтылығын қамтамасыз етіп, білім беру сапасын жоғарылату мақсатында әлеуметтік жобаларды жүзеге асырады. Ол оқу орнының қоғаммен өзара байланысын нығайтуға, ашықтық пен сенімділік қалыптастыруға мүмкіндік береді.