“әкелер клубы” – әкелік институтты дамытуға жол ашады

Отбасылық құндылықтарды сақтау, әкелердің бала тәрбиелеудегі жауапкершілігін арттыру, тәрбие процесін ұйымдастыруда және басқаруда мектепке көмек көрсету, отбасылық тәрбиенің жақсы жақтарын насихаттау сынды міндеттерді шешетін № 60 ЖББОМ тәрбие саласында 2016 жылы “Әкелер клубы” ашылды.  Бала бойындағы жақсылы-жаманды қасиеттерін байқаса, қазақ оны ең бірінші әке мен ата тәрбиесінен көреді, «тегіне тартқан» дейді. «Әкесі сондай адам еді, атасы жақсы адам, көргенді бала» деп ер адам тәрбиесін ауызға алады. Өйткені, әкесінің баласына қалдырған ең үлкен мұрасы – оның жақсы тәрбиесі. “Бір әкенің тәрбиесін – жүз мектеп те бере алмас”, – деп дана халқымыз бекер айтпаса керек. Сол себепті де бала тәрбиесін халқымыздың ежелгі озық дәстүрлері негізінде жүргізе отырып, оны бүгінгі заманның жетістіктерімен ұштастыра білу маңызды. Осы талапқа сай мектебімізде құрылған “Әкелер клубы” төмендегідей мақсат-міндеттерді басшылыққа алады:

1. Отбасылық құндылықтарды сақтау, әкелердің бала тәрбиелеудегі жауапкершілігін арттыру, ата-аналардың жасөспірімдер арасында құқық бұзушылықтың алдын алу шараларын ұйымдастырудағы рөлін арттыру;
2. Тәрбие процесін ұйымдастыруда және басқаруда мектепке көмек көрсету;
3. Отбасылық тәрбиенің жақсы жақтарын насихаттау;
4. Өскелең ұрпақты тәрбиелеуде және білім беру мекемелерінде балалардың қауіпсіздігін сақтау шараларын ұйымдастыру.
5. Мектеп өміріне, қоғамдық жұмыстарға, іс-шараларға белсенді атсалысу. Мектебімізде әкелеріміздің белсенді атсалысуымен 27 қаңтар күні әкелер арасында волейбол жарысы ұйымдастырылды. Ойында 26 әке бас қосып, өзара 4 командаға бөлінді. Ойын өте тартысты әрі қызықты өтті.  1 – орын “Жеңіс” командасы,  2 – орын “5 дом” командасы, 3 – орын “Сити” командасы, ал 4 – орынға “21 дом” командасы табан тіреді. Барлық қатысушылар мақтау қағаздарымен марапатталды. Отбасының тірегі болған әкелерге алғысымыз шексіз! Клуб жетекшілері: Утенов Болат, Қаймолдин Талғат, Макашев Алтынбек және Бердигалиев Бекбол.
   Ұйымдастырушыларға шығармашылық табыс тілейміз!