“Ұрпақ болашағы – тәрбие мен білімде”

Өскелең ұрпақ ел тізгінін ұстайтындай азамат болсын десек, ата-аналармен жүргізілетін жұмыстардың жаңаша бағыттарын қарастырып, келешекте жас ұрпақтың болашақ еліміздің тұтқасы болуына мектеп, ата-ана, ұстаз болып ықпал ете білу маңызды. Ата-аналар жиналысы – бұл ата-аналар мен мектептің өзара әрекеттестігінің бір формасы.  Осы бағытты тиімді жүргізу барысында мектебімізде 2019 жылдың ІІІ тоқсанын қорытындылауға арналған кезекті ата-аналар жиналысы болып өтті. Күн тəртібінде:

• 2018-2019 оқу жылындағы ІІІ тоқсан бойынша білім сапасының қорытындысымен таныстыру;
• оқушылардың өмір қауіпсіздігі және құқықбұзушылықтың алдын алу;
• “Жазғы демалыс – 2019” Балалардың жазғы демалысын, тарихи қалаларға саяхаттауды тиімді ұйымдастыру;
• 9 класс оқушыларына кәсіптік бағыт-бағдар беру бойынша мектеп әкімшілігімен, колледж өкілдерімен кездесу сынды әртүрлі мәселелер қозғалды.

Ата-аналар жиналысы – мұғалім мен ата-ананың бала тәрбиесі мен білімін нығайтуда атқарылатын жұмыстардың нәтижелі жүргізілуіне де мол мүмкіндік береді. Жиналыс соңында ата-аналардан кері байланыс алынды. Ата-аналар жиналысының көздеген басты мақсаты – әр отбасының бала тәрбиесіне белсене қатысуының маңызын арттыру, баланың жақсы әдеттерді бойына сіңіріп, өсу жолдарын ата-аналармен бірлесе қарастыру, сондай-ақ білім беру мазмұнын жаңарту бойынша жүргізіліп жатқан мемлекеттік саясатты талқылауға ата-аналар қауымын кірістіру. Негізінде мектептегі тәрбие жұмысының нәтижелілігінің бір ұшы – ата-аналар мен мектептің бірлескен әрекетінде екені белгілі.

Тәрбие бөлімі