“Білімді ұлт – сапалы оқыту және отбасылық құндылықтар”

Тәрбие отбасынан басталса, егеменді еліміздің болашағы – жас ұрпақ. Бала бақытының кепілі – ата-атаның өнегелі тәрбиесі десек, ата-ана – бала тәрбиесіндегі басты тұлға.
Бүгін, 15 мамыр күні, мектебімізде “Білімді ұлт – сапалы оқыту және отбасылық құндылықтар” тақырыбында мектепішілік ата-аналар жиналысы өтті. Күн тәртібінде отбасылық құндылықтарды насихаттау және отбасы мен мектеп арасындағы өзара іс-әрекетті нығайту, 2018-2019 оқу жылындағы оқушылардың жетістіктері мен марапаттары, балаларға қатысты зорлық-зоблықтың, қатігездіктің алдын алу, оқушылардың жазғы мезгілдегі уақытын тиімді ұйымдастыру, судағы қауіпсіздік ережелерін сақтау мәселелері қарастырылды. Отбасы күні қарсаңында ұйымдастырылған шарада бала тәрбиесінде отбасының алар орны да ерекше, оған әрбір ата-ананың белсене атсалысуының маңыздылығы, отбасылық құндылықтарды насихаттау және отбасы мен мектеп арасындағы өзара іс-әрекетті нығайту жайы сөз болды. Расымен де, тәрбие жұмысының табысты болуының басты кепілі мектеп пен ата-аналар арасындағы ынтымақтастықта. Өйткені, баланың бас ұстазы – ата-ана. Бүгінгі таңда балалардың сапалы білім алып, бәсекеге қабілетті, болашақтары жарқын болулары үшін жаңартылған технология енгізілді. Қоғамда отбасы – рухани және мәдени дәстүрлердің сақтаушысы, түрлі буындар арасын жалғастырушы және солай болып қала бермек. Сондықтан шаңырақтан алған тәрбие барша халқымыздың баянды болашағының айқын кепілі. Жиналыс соңында ұрпақ тәрбиесі жолындағы оңтайлы ұсыныстар мен орамды ойлар айтылып, алдағы уақытта осы бағытта бірлесе жұмыс атқару жоспарланды.

ТӘРБИЕ БӨЛІМІ