Болашақ Елбасы

Ақтөбе қаласының ғылыми-әдістемелік орталығы Қазақстан Республикасы  тұңғыш Президенті күніне арналған  «Рухани жаңғыру» бағдарламасы аясында  2017 жылдың  16-17 қараша күндері  1-кластың ер балалары арасында қалалық «Егер мен Президент болсам…» байқауы өткізілген болатын.

Байқау  жаңа мазмұнды білім беру бағдарламасы аясында тәрбиеленіп жатырған 1-класс ер балаларының бойында болатын патриоттығын, шығармашылығы мен дарындылығын анықтау мақсатында өткізіліп, екі кезеңді қамтыды.

• I «Елін  сүйген   Елбасы-Нұр аға» (Ақындардың Елбасына арналған өлеңін мәнерлеп жатқа айту)  3-минут
• II «Егер мен Президент болсам» тақырыбында ойтолғау.

Қала  мектептері  арасында ұйымдастырылған шарада  болашақ Президенттікке үміткер ер балалар қатары аз болмады. Әр мектептің үкілі үмітін арқалап, жүзден  жүйрік, мыңнан тұлпар қатысқан додаға  өз бағын сынау  мақсатында  №60 ЖББОМ–нің 1 «Б»-класс оқушысы Тұрақбай Айбар да қатысқан болатын. Айтулы сынға барлық үміткерлеріміз үлкен дайындықпен келіп, өздерінің Елбасына деген  сүйіспеншілік сезімін, жас жүректен шыққан шынайы құрметін білдіре отырып, шығармашылық қабілетін танытты.

Нәтижесінде,  үлкен сыннан сүрінбей өтіп, додада топ жарғандардың бірі  – мектебіміздің кішкентай бүлдіршіні  Тұрақбай Айбар  болды. Ол өз өнері мен білімге құштарлығын байқата отырып, Отанын, халқын сүйетін нағыз азамат болып тәрбиеленіп келе жатқанын дәлелдеді.  Елбасының өмір жолынан үлгі алатынын  және  елінің  қамын ойлар азамат болам деген жүрекжарды  шынайы  сезімін сенімді жеткізе білді.

Келешегімен кемелденген, болашағымен бағытталған Тәуелсіз мемлекетіміздің жас патриоты  ата-баба салып кеткен сара жолды,даналықпен даңғыл етіп,даралықпен сақтайтын ұрпақ болатына  баршамызды сендіре білді.

Арман-тілектерің орындалып,байрағы жоғары елдің басшысы болуыңа халқың тілектес! Ақ жол, Айбар!

Романова. М. К.