Біліктілік өзіме, жетістігім еліме

 «Тірлік басқа болса да тілек бір, саусақ бөлек  болса да білек бір» деп Бәйдібек би бабамыздың  осынау ұлағатты ойы ғасырлар сүрлеуінен сүрінбей, жылдар желісімен қайта жаңғырғанына көзіміз куә  әрі өзіміз де куә болып отырмыз.

Олай дейтінім, мектеп қабырғасында тәрбиеленіп жатқан жас ұрпаққа білім беруде әрбір ұстаздың мақсаты – білім сапасын көтеру, әдіс-тәсіл түрлерін жетілдіру,  сабаққа оқушының  қызығушылығын  арттыру.

Осы мақсатта, №60 жалпы білім беретін орта мектебімізде 2018 жылдың 4 қаңтарында  жоспар бойынша барлық бірлестік отырысы өткізілді. Бірлестік отырысының тақырыбы: «Оқытудың сапасын жақсарту арқылы оқушылардың білім деңгейін арттыру» болатын. Отырыста барлық бірлестік мүшелері өз дәрісханасында әдістемелік бірлестік жетекшілерімен   белгіленген тақырып негізінде өз  ойларын  ортаға салып талқылады. Бірлестік отырысының қорытындысы ретінде аға ұстаздарымыздың жетекшілігімен он түйін қабылданды. Одан әрі педагогикалық кеңесте осы оқу сапасын арттыру мақсатында қабылданған он түйінді, әр бірлестіктің жас мамандары қорғады.

Қорыта айтқанда, ендігі мақсат қабылданған он түйінді жүзеге асыра отырып, мектеп оқушыларының білім сапасын көтеру, еліміздің өркендеуіне үлес қосатын білімді, бәсекелестікке қабілетті ұрпақ дайындау болмақ!

Мақала авторы: Бозлакова Аида Джумабаевна