Білікті маман-еліне қорған

Қазіргі таңда еліміздегі білім беру жүйесінің ең басты міндеті – жас ұрпақтың білім деңгейін халықаралық дәрежеге жеткізу. Білімнің алғашқы сатысы мектепте қалыптасқандықтан, келешек ұрпақты білім нәрімен сусындатып, оның бойындағы табиғи және адами жақсы қасиеттерінің көзін ашып, ізденімпаздыққа  баулуда  ұстаздардың рөлі зор.

Жалпы білім беретін орта мектептерде оқылатын пәндер ішінен оқушының танымдық, шығармашылық, ойлау қабілеттерін дамытуда, дүниетанымын кеңейтіп, ой еркіндігіне жол ашатын пәндердің бірі – математика пәні екені белгілілі. №60 жалпы білім беретін орта мектепте педагогикалық құралдардың барлық түрлерін шебер меңгерген, математика пәнінің білікті ұстазы-Ғұбайдуллина Венера Нұртайқызы терең білімділігі мен талмас еңбегінің арқасында үлкен жетістікке жетуімен қатар, шәкірттері де биіктен көрінуде.

Халықаралық Қазақ Творчестволық Бірлестігінің ұйымдастыруымен өткен Қазақстан Республикасы Рәміздеріне 25 жыл, Қазақстанның БҰҰ қабылдануына 25 жыл, “Рухани жаңғыру” ұлттық бағдарламасына арналған “Мәңгі ел, Қазақстаным!” атты зияткерлік турнирінде 8-класс оқушылары – Өтепбаева Нұрбақыт, Ғарифолла Гүлзат математика пәнінен  олимпиадаға қатысып, I орынды иеленді. Шәкірттеріне жетекшілік еңбегі және педагогика саласында заманауи білім, саналы тәрбие берудегі сапалы қабілеті үшін  Ғұбайдуллина Венера Нұртайқызы алғыс хатпен марапатталды. Сонымен қатар Қалалық “SMARTUM” саналы арифметика акдемиясының ұйымдастыруымен “Алтын күз” атты әйелдер арасында өткен шахмат жарысына қатысып, III орынды иеленді.

Ғұбайдуллина Венера Нұртайқызының еңбегіне шығармашылық табыс, деніне саулық тілейміз!

Амирова Н.Ж.