Білім шыңы

«Адамзат баласының бұл өмірде үш түрлі міндеті болады» деген екен. Оның біріншісі – ұрпақ өрбітіп, тәрбие беру, екіншісі- ұстаздық қылып, шәкірт тәрбиелеу, үшіншісі- ілім – білім жинап, қоғамға қызмет ету. Бүл орайда, тәлім – тәрбие ата-анадан, оқу мен білім – ұстаздан, ал қоғамға қызмет ету – баршамызға ортақ парыз болса керек. Өркениеттің өлшемі де, мемлекеттің келешегі де қашанда қоғамдағы білім деңгейіне тәуелді.

Ахмет Байтұрсынұлының «Мектептің жаны-мұғалім. Мұғалім қандай болса, мектебі де сондай болмақ» деген сөзі еске түседі. Осы бір аталы ұғым біз үшін әрқашан да басты ұстаным болуы шарт. Бүгінгі мектеп оқушылары – ел тізгінін ұстар ертеңіміз. Ұлттық бәсекеге қабілеттілігінің басты көрсеткіші де осылар.

Білімнің дамуы – бұл қоғамның алға жылжуы, адамзат өркениетінің өнегелі өлшемі. Сондықтан XXI ғасырда кез келген елдің көзіне қарақ, көкірегіне шырақ болатын – білім. Ал білімнің қайнар көзі – мектеп.

Мектептің білім нәтижесінің көрсеткішінің бірден – бірі – ғылым негіздері бойынша өтетін дәстүрлі республикалық олимпиаданың мектепшілік кезеңі №60 жалпы білім беретін орта мектебінде күзгі каникул күндеріне сәйкес келді. Мектеп бойынша 232 оқушы қатысқаны көңіл қуантарлық жағдай. Олимпиадаға қатысып, бақ сынаған 93 оқушы жүлделі орындармен марапатталды.

«Жүйріктен жүйрік озар жарысқанда»,- дегендей, №60 жалпы білім беретін орта мектебі бойынша 1 орын алған 32 оқушы қалалық кезеңге жолдама алған болатын.

Қалалық кезеңде биология, физика, информатика, құқық пәндерінен үздік білім көрсеткені үшін жүлделі орындарды иеленді. Атап айтсақ, Физика пәнінен 11 «Ә» класс оқушысы Қазыбек Аяна, жетекшісі Илиясова А.Ж.,  Құқық пәнінен 10 «Ә» класс оқушысы Қазбек Дильназ, жетекшісі Құдайбергенов Д.Н., Биология пәнінен 9 «А» класс оқушысы Жұмағұлова Аружан, жетекшісі Тажимишев А.А., 8 «Г» класс оқушысы Жеңісова Дильназ, жетекшісі Бекова К.М., Информатика пәнінен «Ә» класс оқушысы Мейрамбекұлы Махамбет, жетекшісі Қожабаева М.К

Бұл көрсеткіштерге жетуде мектеп ұстаздарының өз біліктілігін, жауапкершілігін көтеруде атқарған жұмыстарының нәтижесі мол.

Облыстық кезеңге жолдама алған мектебіміздің мақтаныштарының ішінен 10 «Ә» класс оқушысы Қазбек Дильназ, жетекшісі Құдайбергенов Д.Н. айды аспанға бір- ақ шығарып, жулделі 3 орынды иеленді.

Білім бәйгесінде жетекшілік жетістікке жеткен пән мұғалімдері мен шәкірттерімізді құттықтаймыз. Толағай табыстарымыз мол болсын!

Искарина Л.Т