Деңгейлік бағдарлама-өмір талабы

Мұғалімдер күн сайын күрделі шешім қабылдап жатады. Бұл шешімдер түрлі білім мен пікірлерге сүйенеді және әрбір оқушының не үйреніп, келешекте неге қол жеткізуге тиіс екендігіне бағытталған.Осыған байланысты мұғалімдер оқушыларды олар өмір сүруге тиіс өзгермелі әлемге дайындауда маңызды рөл атқарады. Мысалы, бүкіл әлемдегі оқушыларға айтарлықтай әсері болатын елеулі факторлардың бірі-инновациялық технологиялардың кең таралған түрін пайдалануға байланысты білімге оңай қол жеткізудің артып келе жатқандығы. Білімге қол жеткізудің күн сайын артуының нәтижесінде мұғалімнің рөлі өзгереді. Алайда, бұл рөлінің біркелкілігін білдірмейді, керісінше, мұғалімнің рөлі барынша артады және оқушылардың білімге қалай сыни қарайтындығына бағытталатын болады.

Білім беру саласында көш басында келетін Финляндия, Сингапур және Ұлыбритания секілді прогресшіл елдер қолданатын деңгейлік бағдарламаны біздің елімізде «Назарбаев Зияткерлік мектептері» ДББҰ Педагогикалық шеберлік орталығы әзірлеген.

Бағдарламаның мақсаты әрбір ел үшін маңызды болып табылатын рухани мәдени және адамгершілік құндылықтың негізінде жастарды өз елінің мәдениетін құрметтеуге тәрбиелеу.

Екінші мақсаты-жастарды жылдам өзгеріп келе жатқан әлемде өзіне сенімді және табысты болуға мүмкіндік беретін дағды мен түсінік қалыптастыру. Деңгейлік бағдарламаның негізгі міндеті-мұғалімдерге педагогикалық тәжірибелерін жетілдіріп бағалауға көмектесу.

Дүние жүзіндегі көптеген мұғалімдердің іс-тәжірибесінен тұрақты орын алған оқыту жұмысын ұйымдастыру мен жоспарлау біздің №60 ЖББОМ-де  орынды қолданылып келеді. Мектепте педагогика кадрларының кәсіби даму бағдарламасы бойынша 3 топ мұғалімдерді оқыту курсы ұйымдастырылған. Топ жетекшілері: Илиясова А.Ж., Ербозымова М.Н., Ақылбекова Ж.С., Сыдыкова А.С., Алшағырова Т.С. «Тәжірибедегі рефлексия» №60ЖББОМ педагогика кадр кәсіби даму бағдарламасы бойынша 6 мектеп тренері жұмыс жасайды. Ілгері деңгей бойынша 2 мұғалім, 2 деңгей 5 мұғалім, 3 деңгей 13 мұғалім жемісті еңбек етуде.

Искарина Л.Т.