Достижения учеников #60 ОСШ

«Өнерлі – өрге жүзер»

         15 – қаңтар күні Алматы қаласында өткен Республикалық «Жұлдызды жаңа жыл» атты жастар мен ересектер байқауында «Вокал» номинациясы бойынша №60 ЖББОМ 8 «А» класс оқушысы, «Геолог» Мәдениет Үйінің  үйірмесінің үлгілі «Мұрагер» вокалдық үйірмесінің тәрбиеленушісі – Қайратқызы Ақерке қатысып, жүлделі І орынды жеңіп алды. Әнді  жеке  орындау бағыты бойынша өз өнерін көрсеткен Ақерке  топ жарып,  үздік атанды.

 Мақала авторы: Ақтөбе қаласы №60 ЖББОМ

мұғалімі   Тубирова   Айгерим Ерболовна

Ақтөбелік оқушы таеквондодан республикалық жарыстың жеңімпазы атанды.

            Шымкент қаласында өткен таеквондодан республикалық жарыстан Ақтөбе  қаласының №60 жалпы білім беретін орта мектептің 8 «А» сынып оқушысы Әділбек Нұрлыбек І орын алды. Жарысты Шымкент қаласындағы Таэквондо жаһандық федерациясы ұйымдастырған болатын.  Бұл  жарысқа Ақтөбе, Шымкент, Алматы, Атырау, Нұр-Сұлтан, Семей, Қызылорда, Павлодар  өңірлерінен 5-16 жас аралығындағы 300-ден астам бала қатысты.         

         Нұрлыбек таеквандодан Ақтөбе қаласы, «Ақтөбе таеквондо» спорт  клубының тәрбиеленушілері қатарында облыстық команда құрамында өнер көрсетті. Таеквондомен  11   жасынан бастап айналысады.  Сары белбеу иегері және бірнеше жүлделі медальдарға ие.  Сондай-ақ мектептен тыс, дебат үйірмесіне де  қатысады. Сабақты жақсы оқиды, спортқа өте жақын, гуманитарлық пәндерді де ұнатады. Нұрлыбектің алға қойған мақсатының бірі, биік белестерді бағындырып, еліміздің көк байрағын көкке көтеру болып табылады.

Мақала авторы: Ақтөбе қаласы №60 ЖББОМ

мұғалімі   Тубирова   Айгерим Ерболовна