Дөңгелек үстел

2018 жылдың 6 қараша күні, №60 орта мектебінде «Білім мазмұнын жаңарту жағдайындағы интербелсенді әдістер» тақырыбында ҚҒƏО-тың жылдық жұмыс жоспарына сəйкес дөңгелек үстел ұйымдастырылды. Дөңгелек үстелдің қарастырылған басты мақсат – білім беру жүйесіндегі педагогтардың жаңа жүйе бағдарламасы бойынша қолданыстағы интербелсенді әдістер арқылы тәжірибе алмасуы мен оқу мазмұнындағы әдіс-тәсілдердің әдістемелік ерекшеліктері туралы бірқатар сұрақтарға жауап іздеп, тиімді жақтарын қарастыру болды. Дөңгелек үстел барысында мектебіміздің бастауыш класс мұғалімі, «Келешек» желілік қауымдастығының жетекшісі Ж.Ф.Нурманова «Мендегі көңіл-күй…» тренингі арқылы ұстаздар арасында ынтымақтастық орта қалыптастырып, теориялық кезеңінде Ақтөбе ҚҒӘО директорының орынбасары Ж.Б.Шалабаева «Жаңартылған білімге – жаңаша көзқарас», Ақтөбе гуманитарлық колледжінің «Педагогика және психология» оқу әдістемелік бірлестік жетекшісі, педагогика оқытушысы Н.Д. Бурибаева «Интербелсенді оқыту әдістерінің орта-кәсіптік білім беру саласындағы ерекшеліктері», «Өрлеу» БАҰО АҚФ Ақтөбе облысы бойынша ПКБАИ «Мектепке дейінгі тәрбие және бастауыш білім» кафедрасының аға оқытушысы, п.ғ. магистрі Ж.О. Жубаева «Интербелсенді оқыту негізінде бәсекеге қабілетті тұлға қалыптастырудағы мұғалім келбеті», ПШО тренері А.Жубангарина «Жаңартылған сабақ жоспарын құру» тақырыптарында баяндамаларын оқып, білім беру мазмұнындағы түбегейлі өзгерістерге тоқталды. Тәжірибе кезеңінде бастауыш класс мұғалімдері Ж.Е.Алдиярова, Г.Т.Казахова, Л.Қ.Нұрмахан «Жаңартылған бағдарлама бойынша қолданыста жүрген әдіс-тәсілдер» тақырыбында жұмыс түрлерінің ұтымды жақтарымен бөлісіп, мектеп көшбасшылары Б.Х.Садыкова, А.С.Кужахметова, А.С.Сыдыкова «Интербелсенді әдістерді тәжірибеге енгізу арқылы жеткен жетістіктер» жөнінде тәжірибелерімен коучинг өткізу арқылы бөлісті. Рефлексия кезеңінде директордың ғылыми-әдістемелік ісі жөніндегі орынбасары М.Н.Ербозымова «Сыйға тартқан желпуіш…» әдісімен кері байланыс жүргізіп, қатысушылар бүгінгі күні қозғалған түйткілді мәселелер мен тәжірибеде қолданып жүрген әдіс-тәсілдердің тиімділігін талқылап, ойларын ортаға салды, семинардан алған әсерлерімен бөлісті.