Д. Қонаев атындағы ЖББОМГ Қамқоршылық кеңесінің отырысы

19 желтоқсан 2024 жылы Д. Қонаев атындағы жалпы білім беретін орта мектеп – гимназиясында Қамқоршылық кеңесінің кезекті отырысы өтті. Күн тәртібінде 2024 – 2025 оқу жылында мектептің халықаралық аккредитацияға дайындық шаралары, арнайы санаты бар 1 – 4 класс оқушыларына, үйден оқытумен қамтылған және мүгедектігі бар оқушыларға мектеп қаражаты есебінен жаңа жылдық сыйлық беру сұрақтары қаралды.

Сонымен қатар оқу-тәрбие үдерісін жетілдіру, оқушылардың қауіпсіздігі, мектеп инфрақұрылымын дамыту және өзге де маңызды мәселелер талқыланды.

Отырыста кеңес мүшелері өз ұсыныстарын білдіріп, бірлескен шешімдер қабылдады. Кеңес жұмысының басты мақсаты – білім беру сапасын жақсарту және балаларға қолайлы орта қалыптастыру.

Қамқоршылық кеңес мүшелеріне белсенділігі мен жауапкершілігі үшін алғыс білдіреміз! Ұсыныстарыңыз бен пікірлеріңіз біз үшін маңызды.