Еліміз енді цифрлы жүйеге көшеді

«…Біз цифрлық технологияны қолдану арқылы құрылатын жаңа индустрияларды өркендетуге тиіспіз. Бұл —  маңызды кешенді міндет.

Елде 3D-принтинг, онлайн-сауда, мобильді банкинг, цифрлық қызмет көрсету секілді денсаулық сақтау, білім беру ісінде қолданылатын және басқа да перспективалы салаларды дамыту керек. Бұл индустриялар қазірдің өзінде дамыған елдердің экономикаларының құрылымын өзгертіп, дәстүрлі салаларға жаңа сапа дарытты.

Осыған орай, Үкіметке «Цифрлық Қазақстан» жеке бағдарламасын әзірлеуді және қабылдауды тапсырамын».

Мемлекет басшысы Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауынан.

Қазіргі уақытта заманауи ақпараттық-технологиялардың мүмкіндігі зор. Мамандардың айтуынша, оның ең сапалысы — цифрлы технология. Қай салада болмасын, бұл технология жұмысты жеңілдетуге бірден-бір ықпал етіп отыр.

“Цифрлық Қазақстан”мемлекеттік бағдарламасын іске асыру аясында – базалық цифрлық дағдылар, электронды мемлекеттік қызметтер, ашық үкімет,электронды сауда-саттық бағыттары бойынша облыс тұрғындарын цифрлық сауаттылыққа оқыту үшін мектебімізден  информатика пәні мұғалімі Таурбаев Талғат Рустемович тренерлерді дайындаудың оқыту семинарын ойдағыдай аяқтап, қазіргі таңда тұрғындарды цифрлық сауаттылықа оқыту үшін дайындалуда.

Қазір елімізде мемлекеттік секторды цифр­лық жүйеге көшіру қарқынды жүргі­зіліп жатқаны белгілі. Айталық, жоға­рыда айтып өткен «Электронды үкі­­мет» порталын еліміздегі эконо­мика­лық белсенді халықтың 50 пайызы, яғ­ни шамамен 5 миллион адам қолда­нады екен. Ал «Азаматтарға арналған үкімет» мем­лекеттік корпорациясы халыққа электронды түрде 530 түрлі қызмет көрсетіп жатыр, күн сайын қызмет саны одан әрі көбейтіле беретіні анық.

             Еліміз енді цифрлы жүйеге көшеді. Мұндай оң өзгеріс — заман талабы. Осыған орай, еңбек нарығында да үлкен өзгерістер болатыны көрініп-ақ тұр. Озық технологияларды біліктілік бастауы десек, еліміздің алға басуы ақпараттық технология (ІT) саласының дамуымен анықталмақ. Мұның барлығы — осы ғасырдың ақиқаты.

 Талғат Рүстемұлы