«Жас дарын» шығармашылық орталығы талантты балаларға жаңа мүмкіндік сыйлады.

№60 жалпы білім беретін орта мектептегі өзекті мәселе – мектептің үш ауысымдық режимде жұмыс істеуі. Мектеп 1200 орынға арналғанымен, қазіргі уақытта 3554 оқушы білім алуда. Бұл өз кезегінде сынып бөлмелері, үйірмелер мен секцияларға арналған кабинеттердің жетіспеушілігіне алып келіп, оқу-тәрбие процесінде қолайсыздықтар тудырады. Мектеп әкімшілігі бұл жағдайдан шығудың жолын тапты, бұл – мектептің жертөлесін пайдалану. Жертөлені жабдықтау және әзірлеу жұмыстарын мектеп директорының басшылығымен мектептің ер мұғалімдері жүргізгенін атап өткен жөн.
Осыған орай, бүгін, 30.10.19 ж. № 60 орта мектепте «Жас дарын» шығармашылық даму орталығы ашылды. Атауды таңдау кездейсоқ емес, өйткені жүргізілетін жұмыс балалардың шығармашылық әлеуетін дамытуға бағытталған. Аталмыш орталықта барлық талаптарға сай жабдықталған хореографиялық бөлме бар. Қыз балаларға айна, хореографиялық шеберліктерін арттыруға көмектесетін құрал-жабдықтар дайындалды. Мектеп оқушыларының интеллектуалды дамуы мақсатында дойбы мен шахмат ойнауға арналған бөлме ашылды. ҚАББҚ-ға (қосымша ақылы білім беру қызметтері) баратын балалар үшін жайлы кабинеттер де дайын.
Орталықтың жалпы ауданы – 300 м2. Орталықты құру кезінде барлық санитарлық-эпидемиологиялық нормалар ескерілді, желдету жүйесі ойластырылды, ауасы құрғақ. Құрал-жабдықтар мен бөлмелерді техникалық даярлауға мектептің демеушілік шотынан 1 823 215 теңге жұмсалды. Жергілікті халықтың игілігіне бағытталған бастама келешек дарынды, шығармашыл жас буынды қанаттандыруда қосар үлесі зор болмақ.
#60zhbbom #60zhbbom_live