«Жас мамандар мектебі: әдістеме және нәтиже» облыстық семинар-практикумы

2022 жылдың 25 наурыз күні   «Өрлеу» БАҰО» АҚ филиалы Ақтөбе облысы бойынша Кәсіби даму институтының қолдауымен Ақтөбе қаласы, №60 жалпы орта білім беретін мектебінде  өткізілген   «Жас маман: әдістеме және нәтиже» атты облыстық  семинар-практикумда  облыстың жас педагогтары бас қосты.

         Іс-шара мақсаты- жас мамандарға әдістемелік қолдау көрсету, тәжірибе алмасу жұмыстары арқылы кәсіби шеберлікке жетелеу.

Облыстық  семинар-практикум жұмысын «Өрлеу»-Ақтөбе әдіскері, гуманитарлық ғылымдар магистрі М.Т. Адилханова, №60 ЖББОМ  директорының оқу ісі жөніндегі орынбасары  М.Н.Ербозымова алғы сөзбен ашып, жас педагогтың  кәсіби өсуіне, шығармашылық дамуына көмек беруде мектептің ғылым-әдістемелік қызметінің ролі маңызды  екеніне баса назар аударды.

Семинар-практикумда «Өрлеу» – Ақтөбе кафедра меңгерушісі, педагогика ғылымдарының кандидаты, доцент  А.К.Каплиева қалыптастырушы бағалау тапсырмаларын дайындаудың жолдары жөнінде жас мамандарға жан-жақты түсіндіріп,  жас мамандардың кәсіптік жолына сәттілік тіледі.  №60 ЖББОМ  директорының оқу ісі жөніндегі орынбасары  М.Н.Ербозымова табысты мектептің  үздік нәтижелеріне шолу жасаса, №60 ЖББОМ бастауыш класс мұғалімі, мектеп тренері, педагог-шебер Л.Қ.Нұрмахан жас маманға көмек беруде  тәлімгер жұмысы мен қызметіне тоқталды. №60 ЖББОМ «Жас мамандар мектебі» қоғамдастығының жетекшісі Е.Т.Тобылбаев  Google Forms платформасын тиімді қолдану туралы №60 ЖББОМ «Жас мамандар мектебі» қоғамдастығы жетекшісінің көмекшісі С.Қ.Имағамбетова сабақта қолданылатын тиімді әдіс-тәсілдерімен бөлісті.

      Іс-шараға қатысушылар Ақтөбе қаласы, №60 ЖББОМ  «Жас мамандар мектебі» қоғамдастығының жас педагогтардың  кәсіби қызметіне  табысты енуіне қолдау көрсетудегі еңбегін ерекше  атап өтіп, мектеп ұжымына кәсіби жетістіктер, шығармашылық табыс  тіледі.

           Осы бағыттағы іс-шаралар алдағы уақытта да жалғасын табады.