«Мектепке жол» қайырымдылықтан басталады

Бүгін, 27 тамыз күні, мектебімізде “Мектепке жол” акциясы аясында табыстау шарасы аталып өтті.
Іс-шараның басты мақсаты Елбасымыз Н.Ә. Назарбаевтың мектеп оқушыларының білім алуға дайындығын толық қамтамасыз ету туралы тапсырмасына сәйкес, көп балалы отбасылар, жетім, жартылай жетім және ата-ана қамқорлығынсыз қалған балаларға қамқор болып, олардың әлеуметтік себеп-салдарынан мектепке бара алмауының алдын алу болып табылады.
Шара барысында мектеп жасындағы аз қамтылған отбасы, көп балалы, толық емес отбасы балалары, ерекше көмек қажет ететін, жетім балалар, ата-анасының қамқорлығынсыз қалған балалар және әлеуметтік әлсіз топтағы 70 шақты балаға жаңа оқу жылына қажетті құрал-жабдықтар мен киім-кешектер табысталып, көмек көрсетілді. Белсенділік танытып, қайырымдылық көрсеткен демеуші ата-аналарға мектеп әкімшілігі атынан алғыс хаттар жолданды.
Бүгінгі игі істердің куәсі болып, қоғамдық көмекке ие болған оқушыларымыз жаңа оқу жылын жаңа қарқынмен бастайды деген сенімдеміз.