«Жаңаша оқыту-заман талабы» семинар-практикум

Білім саласындағы заманауи тәсілдің ең негізгі ерекшелігі – оқушылардың алған білімдерін жай ғана иеленіп қоймай, оларды орынды жерде қолдана білуіне басты назар аудару болып табылады. Мұғалімнің негізгі басты мақсаты – рухани бай, іздемпаз, адамгершілігі мол адамды қалыптастыру болып табылады. Қазіргі заманғы мұғалімдер информатор, бақылаушы, тексеруші, жазалаушы қызметін тастап, керісінше ізденуші, зерттеуші, технолог, өнертапқыш, шығармашылықпен жұмыс істейтін жаңашыл болып, өзгеру керек. Ұлағатты ұстаздан тәрбие алған адам жақсы қоғамдық қайраткер, ұлы тұлға болып өседі, өмірін дұрыс бағытқа бейімдеп, көркейтеді.

Осы орайда, мектептегі бастауыш класс мұғалімдеріне әдістемелік көмек бере отырып, мұғалімдердің шеберлігі мен шығармашылығын жетілдіру мақсатында директордың бастауыш класс жөніндегі орынбасары Индира Мураталиева мен бастауыш сынып мұғалімі Ляззат Нұрмахан мектебіміздің 1-2 класс мұғалімдеріне арнап семинар-практикум өткізді. Семинар барысында мұғалімдер тәжірибе алмасып, түрлі жаңа әдістермен танысты.