«Жаңашыл тәжірибе мен кәсіби дамудың жаңа бағыттары» облыстық идеялар панорамасы

Заман талабына сай педагог кадрлардың инновациялық, кәсіби дамуының тиімді бағыттары бойынша облысымызда түрлі семинарлар жүзеге асырылуда. Осыған орай, мектебімізде «Өрлеу» біліктілікті арттыру ұлтттық орталығы» АҚ филиалы Ақтөбе облысы бойынша педагогикалық қызметкерлердің біліктілігін арттыру институты жоспарына сәйкес «Жаңашыл тәжірибе мен кәсіби дамудың жаңа бағыттары» облыстық идеялар панорамасы өткізілді. Аталмыш шараның мақсаты – оқыту үрдісінде инновациялық технологиялармен оқытудың белсенді әдістерін қолдану және бастауыш класс мұғалімдерінің кәсіби құзіреттілігін шыңдау, тәжірибе алмасу. Семинар жұмысына облыстық мектептердің және жалпы білім беретін мектептердің мұғалімдері, жалпы саны 20-дан аса мұғалім қатысты.

Бағдарлама бойынша «Өрлеу» БАҰО АҚ филиалы Ақтөбе облысы бойынша ПҚБА интституты «Мектепке дейінгі тәрбие және бастауыш білім беру» кафедрасының аға оқытушысы, тренер Ж.Г.Займолдина мен мектеп директоры А.А.Тажимишев алғы сөз сөйлеп, мұғалімдер қауымына ыстық ықыласын білдірді. Облыстық семинар барысында мектеп директорының оқу-әдістемелік ісі жөніндегі орынбасары Ж.Б.Черниязова мен директордың бастауыш кластар ісі жөніндегі орынбасары И.С.Мураталиева қазіргі таңдағы бастауыш мектеп оқытушыларының оқу сауаттылығын дамытуда инновациялық технологияларды қолданудың тиімділігі аясында ой бөлісті.  Семинарға қатысушы мұғалімдер қауымымен мектебіміздің шығармашыл мұғалімі Ж.Ф.Нурманова «Кілтті түстер» тренингін өткізді. Озық тәжірибелі, педагогикалық шеберлігі жоғары бастауыш класс мұғалімдері Г.С.Қонарова, С.Ж.Қожан, Ж.Е.Алдиярова, А.Е.Отаралина инновациялық технологиялардың қолданылуымен панорамалық сабақтар өткізді. Бағдарлама соңында қорытынды жасалып, семинарға қатысушылар өз тараптарынан шараны ұйымдастырушы мектеп директорының орынбасарлары Ж.Б.Черниязова мен И.С.Мураталиеваға, бастауыш кластар бірлестігіне игі тілектерін білдіріп, жоғары баға берді. Семинар барысында белсенділік танытқан шығармашыл мұғалімдерге «Өрлеу» біліктілікті арттыру ұлтттық орталығы» АҚ филиалы Ақтөбе облысы бойынша педагогикалық қызметкерлердің біліктілігін арттыру институтының сертификаты табысталды.

Ербозымова Мейрамгуль Нурлановна