Кішкентай білгірлер

Елбасының сындарлы саясатының арқасында білім саласы жылдан – жылға жақсы нәтижелерге қол жеткізуде. Алайда, талғам өзгергенмен, талап жалғыз. Ол – қазіргі заманға бәсекеге қабілетті білімді ұрпақ қалыптастыру.  Алған білімі мен біліктілігі негізінде бүгінгі өзгермелі өмірді еркін бағдарлай алатын, өзін – өзі дамытып, өз бетінше дұрыс жауапты шешім қабылдай білетін тұлғаны тәрбиелеу. Әр ұлттың қай кезде болмасын алдында тұратын ұлы міндеттің бірі ең бастысы өзінің ісін, өмірін жалғап отыратын салауатты саналы ұрпақ тәрбиелеу. Болашақ қоғам иелерін жан-жақты жетілдіріп, ақыл парасаты мол, мәдени, ғылыми өрісі озық етіп тәрбиелеу аға буынның қоғам алдындағы зор борышы.

“Тәуелсіз ел тірегі – білімді ұрпақ”, “білікті бірді жығады, білімді мыңды жығады” – деп халқымыз бекер айтпаса керек. Бүгінгі таңда №60 ЖББОМ-нің 4 класс оқушыларынан құралған «Самғау» тобы қалалық «Кішкентай білгірлер» олимпиадасына қатысып, өз білімдерін  көрсетіп бас жүлдеге ие болып, облыстық кезеңге жолдама алды. 30 қазан күні №14 ОМ-те облыстық «Кішкентай білгірлер» олимпиадасына қатысқан «Самғау » тобы тағыда бас жүлдені қанжығаларына байлады. Бұл олимпиадаға 4 класс жетекшісі Қожан Сәуле өзінің ең үздік деген оқушыларын апарды. Олар: Баймурзина Аяжан, Бектиғалиева Айғаным, Тұрар Нәукен, Жұмабекова Саяра. Оқушылар ұстазының үмітін ақтады. Аталмыш олимпиада V кезеңнен тұрды. І кезеңде оқушылар математика, қазақ тілі, дүниетану пәндерінен тест тапсырмасын орындады. ІІ кезеңде топ бойынша әр пәннің логикалық тапсырмаларын орындады. ІІІ кезеңде капитандар сайысы болды. Команда капитаны берілген сұрақтарға шапшаң жауап берді. IV кезең “Бәйге”. Оқушылар 1 минутта логикалық сұрақтарға жауап берді. V кезең “Үй тапсырмасы”. Бұл кезеңде оқушылар “логикалық тапсырмалар” деп аталатын альбом дайындап апарды.

Олимпиада нәтижесінде Қожан Сәуле Жанболатқызы “Команданың үздік жаттықтырушысы” номинациясымен марапатталды. Оқушысы Тұрар Нәукен “Үздік капитан” номинациясымен марапатталды. Ал оқушыларымыз мектеп қоржынына диплом әкелді.