«Күз ханшайымының» тәжі кімге бұйырды?

Айлар ауысады,жылдар жылжиды. Жастық  өтіп, қарттық келеді. Бұл-өмірдің заңдылығы. Сол секілді тылсым табиғатымыз да өзінің кезекті ауысу процесімен күз айына есігін ашты. Күн қысқарып,түн ұзарады. Құстар жылы жаққа ұша бастайды. Айнала сары ала тон жамылып, алтын түске боялады. Іздерді жапырақ жауып, төңірекке күз келеді. Күз келсе, мектебіміздің есігі айқара ашылып, білім ордасына жаңа іздер келеді. Күз айының ерекше сипатының бірі-жаңа оқу жылының басталуы. Ойын қызығына бөленіп, жаздай тыныққан бүлдіршіндеріміз бен жеткіншектеріміз өздерінің  «Алтын ұя»  мектебіне асыға оралып, білімге бас қояды. Тың күш пен ерік – жігерін, ынта-зейінін білім алуға жұмсап, мектепте өткізілетін қызықты іс-шараларға белсене араласады.

№60 ЖББОМ ұжымы да 2017-2018 оқу жылын үлкен үмітпен бастап, толағай табыстарға жету үшін бірнеше бағыттағы бағдарламалары мен  мақсат – міндеттерін алға қойып, өз жұмысын бастап та кетті. Жаңа оқу жылы басталғалы  ұстаздар қауымы бірнеше іс шаралар мен игі бастамалардың өтуіне мұрындық болып үлгерді. Сондай іс шаралардың бірі – мектебімізде дәстүрлі түрде ұйымдастырылатын «Алтын күз»   мерекесі. Мектеп  оқушылары «Алтын күз» мерекесіне үлкен дайындықпен келді. Күзгі  жапырақтардан қатты картон немесе қағазға желімдеп жапсыру және қию арқылы жасалған өнер туындыларын,майлы бояулармен бейнелеген күзгі қала, ауыл бейнелерін мектеп көрмесіне қойып, шығармашылықтарымен бөлісіп, баршамызды тәнті етті. Табиғи материалдардан әр түрлі композициялар жасап, табиғи материалдардың пайдасын меңгере отырып, әдемілікке, табиғатты аялай білуге және логикалық ойлау қабілетін арттыруға бағытталған бірнеше жұмыс түрлері жасалды. Жоғары класс оқушылары бағдарлама бойынша бірнеше бағытта өз өнерлерін ортаға салып, «Күз ханзадасы» мен «Күз ханшайымын» анықтады. Күз ханшайымының тәжі 10«А» класс оқушылары  Жумашкалиева Олейна  мен Сейілхан Әділетке   бұйырды.

Романова М.К