МЕКТЕП БАСШЫЛАРЫ МЕН ОРЫНБАСАРЛАРЫ АРНАЛҒАН ОБЛЫСТЫҚ СЕМИНАР

2021 жылдың 4 қараша күні №60 жалпы білім беретін орта мектептің жұмыс тәжірибесін тарату мақсатында «Заманауи мектепті басқарудың моделі» атты облыстық семинар өтті. Аталған семинар «Өрлеу» БАҰО АҚФ Ақтөбе облысы бойынша ПҚБА институты мен облыстық білім басқармасы арасындағы ынтымақтастық туралы Меморандумды жүзеге асыру аясында өткізілді. Семинарға облыс аудандары мен Ақтөбе қаласының мектеп басшылары, басшы орынбасарлары келіп қатысты. Семинарда мектеп басшысы Тажимишев Абзал Амантайұлы мен «Өрлеу» БАҰО АҚФ Ақтөбе облысы бойынша ПҚБА институты директоры Абишева Нургуль Молдабаевна сөз сөйледі. Сондай-ақ, директордың орынбасарлары Садыкова Б.Х., Шамгунова Б.С., Мураталиева И.С., Селбаева Ж.М. мектептің оқу-тәрбие жұмысын тиімді жоспарлау тәжірибесімен бөлісті, жұмыс тәжірибесін жалпылауды ұйымдастыру және оны педагогтер арасында тарату, оқушылардың білім сапасын қалай арттыруға болатындығы туралы баяндады.

Практикалық бөлімде спикерлер Черниязова Ж.Б., Турганбаева М.Б., Мұхамбетәзиев А. М., Қаймолдин Т.Н., Ербозымова М.Н., Абен Т., Давлетова Н.К. қатысушыларға мектептің және қамқоршылық кеңестің жұмыс тәжірибесін, оқушылардың ата-аналарымен жұмыстың заманауи түрлерін қолдануды, мониторингтік зерттеулер жүргізуді, мектептің қоғамдық қызмет тәсілдерін ұсынды. Мектебіміздің шебер-педагогтарынан құралған «Табыс. Жеңіс. Нәтиже» атты шығармашылық тобы семинар қатысушыларынан рефлексия алды.

Семинарға қатысушы директор орынбасарлары мектебімізде өткен облыстық семинарға жоғары дәрежелі көзқарас танытып, мектеп басшысының басқару потенциалына оң баға беріп, алдағы уақытта бұл шараның республикалық деңгейде таратылуын ұсынды.