Мың бұралған Нұрай

Би-үлкен өнер. Жүрекпен сезініп,түйсініп орындауды қажет етеді. Бұл өнерді үйренемін деуші де, қызығушы да көп. Осындай би өнерін игерген, қызығушылығы жоғары, мың бұралған бишіміз-Мирманова Нұрай.

Ол 2012 жылы 5 мамырда Ақтөбе қаласында дүниеге келген. Нұрай инабатты, ақылды. Қазіргі таңда биші қызымыз №60 ЖББОМ-те білім алып келеді.

Нұрайдың өнерге қадам басуы алдымен Алланың, содан соң жақындарының арқасы десек те болады. Қазіргі таңда оқушымыз арт-балет «Сұңқар би» студиясында тәлім алып, би өнерінің қыр-сырын үйреніп жүр.

Таудай талабы мен еңбекқорлығының арқасында, Алматы қаласында өткен республикалық «Танцуют все» би конкурсына барып келді. Конкурс барысында Нұрай қызымыз «Бриллиант» би тобында өзінің қандай биші екендігін, биге деген құштарлығының қандай деңгейде екендігін дәлелдей білді. Нәтижесінде І орынды қанжығасына байлап, олжалы оралды.

Жайдарлы, ашық жарқын Нұрайдың асқақ арманының орындалуына тілектеспіз!

Мақала авторы:          Бозлакова Аида Джумабаевна