Оқу шапшаңдығын арттыру

Мектепішілік бақылау жоспары бойынша жүргізілген жұмыстардың нәтижесінде бастауыш класс оқушыларының оқу шапшаңдығын тежейтін қиындықтары  мен кедергілері анықталған болатын. Анықталған қиындықтармен жұмыстану іс шаралары жоспарланып жүргізілді. Бастауыш класс  мұғалімдердің жүргізілген жұмыстары кезектен тыс әдістемелік отырыста қаралды. Күн тәртібінде қазіргі таңда  өзекті мәселе болып отырған оқушылардың оқу шапшаңдығы. Бастауыш мектепті бітірген оқушылар оқу жылдамдығын толық меңгеріп шығуы тиіс. Алайда бастауыш мектептегі төрт жыл ішінде олар тек қана оқу процесінің алғашқы қадамдарын ғана игереді. Психолог Т. Г. Егоровтың айтуынша «іштей», саналы, мәнерлі және жүрдек оқу, оқыту процесінің соңғы сатыларында ғана ұстаз ойлаған деңгейге жетеді. Сондықтан бастауыш мектеп сыныптарында балалардың оқу іскерлігі аяқталмайды, ол ұзақ дамудың тек қана алғашқы бөлімі болып табылады. Оқушы үлгеріміне әр түрлі жағдайлар әсер етеді. Соның ішінде ең күшті орын алатыны – баланың оқу жылдамдығы болып шыққан. Егер оқушы нашар оқыса, оның оқуға ынтасы өзінен – өзі төмендейді, үлгермейді. Әдетте кім тез оқыса, сол көп оқиды, көп оқыса, көп біледі. Оқу техникасы артқан сайын, есте сақтау қабілеті де, ақыл – ой еңбегіне ынталығы да арта түседі. Мәтінді әрі жылдам, әрі дұрыс, әрі мазмұнды түсіне оқи білу – үлкен еңбектің жемісі. Оқушы үлгерімінің негізгі факторы – оқу жылдамдығы болғандықтан, бұл мәселені өзекті тақырып етіп алдық. Оқу шапшаңдығын арттыру мәселесі бойынша жоспарлы жұмыстар жүргізілуде.