Оқу үдерісін тиімді ұйымдастыра білейік

Елбасы Нұрсұлтан Назарбаев “Болашақта еңбек етіп,өмір сүретіндер-бүгінгі мектеп оқушылары.Мұғалім оларды қалай тәрбиелесе Қазақстан сол деңгейде болады. Сондықтан ұстазға жүктелетін міндет ауыр” деген болатын.

Қазіргі заман мұғалімі заман талабына сай білім беруде жаңалыққа жаны құмар шығармашылықпен жұмыс жасап, оқытудың жаңа технологиясын шебер меңгерген мұғалім болуды талап етеді.

№60 жалпы білім беретін орта мектептің қазақ тілі мен әдебиеті пәнінің мұғалімі Тұрғанбаева Мирамгуль Бердибаевна мектебіміздегі жас мамандарға “Оқу үдерісін тиімді ұйымдастыру” тақырыбында каучинг өткізді. Каучинг жас мамандардың оқу үдерісін тиімді ұйымдастырудағы белсенділігін арттыру, әдістемелік кеңес беру мақсатында өтіп, Елбасы Н.Назарбаевтың “Болашаққа бағдар:Рухани жаңғыру” мақаласының идеясы негізінде жүргізілді. “Менің Отаным-Қазақстан”тақырыбында бейнебаян көрсетіліп, жас мамандарға әр түрлі әдіс-тәсілдер арқылы топтық жұмыстар, жағдаяттық-тәжірибелік тапсырмалар орындатты. Жас маман  көкейлерінде жүрген мәселелер  талқыланды.

Коучинг соңы “Екі жұлдыз бір тілек”әдісімен кері байланыс жасалынып, “Біз бәсекеге қабілетті жастар тәрбиелеу мақсатында рухани жаңғыруды қолға алдық,”-деген Елбасымыз Н.Назарбаевтың сөзімен қорытындыланды.

Амирова Н.Ж.