Республикалық қашықтық олимпиада жүлдегерлерін құттықтаймыз!!!

Ақтөбе қаласының № 60 жалпы білім беретін орта мектебі  2016-2017 оқу жылында Республикалық қашықтық олимпиадаға қатысып, Республика бойынша ІІ жүлделі орынды  иеленді. Бұдан мұғалімдеріміздің білімді де, білікті маман екенін байқаймыз. Мектебіміздің білікті ұстаздарынан дәріс алып жатқан оқушыларымыз республикалық қашықтық олимпиадада өз дарындылықтарын көрсетті. Оңды жол тапқан сайыстардың науқанына биылғы оқу жылында мұғалімдер мен оқушылар өз үлестерін қосуда. 2017-2018 оқу жылында жалғасын тапқан олимпиадаға мектеп мұғалімдері мен оқушылары білімдерін шыңдау мақсатында Республикалық қашықтық олимпиадасына қатысып, жүлделі орындарға ие болуда. Атап айтар болсақ, тарих пәнінің мұғалімі, жас маман Касимов Есбол Нурланович республика  бойынша жүлделі  ІІІ орын, облыс бойынша І орын алды.

Жеңімпаз мұғаліміміздің оқушылары аудан бойынша І орынды Наргиз Мурзахметова, Меруерт Жумагалиева, аудан және облыс бойынша ІІ орын алған  Нурбол Тыныштыбаев, аудан бойынша І орын  және облыс бойынша ІІІ орын  иеленген Робия Дилшодбек марапатталды.

Еңбегінің  жемісін оқушыларының нәтижесінен көріп отырған тарих пәнінің мұғалімі, жас маман  Ертемір Азамат Батыковичтің оқушылары Өтепова Диляра  республика бойынша ІІ орын, облыс бойынша І орын иеленсе, Динара Тургалиева аудан бойынша ІІ орын және облыс бойынша ІІІ орын, Ботагөз Бекенова аудан бойынша ІІІ орын алды.

Мектебіміздің үздік мұғалімдері қатарынан табылып жүрген география пәнінің мұғалімдері Нұртазина Багдагул Жаксылыковна аудан бойынша І орын,  облыс бойынша ІІІ орын алса, Мажитова Шынар Умирзаковна аудан бойынша І орын және облыс бойынша ІІ орынды иеленді. Республикалық қашықтық олимпиада әлі де болса,жалғасын табуда.

Тынымсыз еңбек етіп, нақты істер атқарып жүрген өзіңіздей білікті мамандарымыздың қатары көбейе бергей. Қадамын  нық басатын жас ұжымға сәттілік тілейміз!