«Салауатты өмір – нұрлы болашақ»

       25-30.01.2021 ж. күндері аралығында №60 жалпы білім беретін орта мектебінің дене шынықтыру әдістемелік кафедрасының ұйымдастыруымен  «Салауатты өмір – нұрлы болашақ» атты дене шынықтыру пәнінің апталығы өтті. Апталықтың жоспары әдістемелік бірлестігінің отырысында қаралып талқыланды және бекітілді.

Мақсаты: Салауатты өмір салтын насихаттай отырып, спорттың әр түріне оқушылардың қызығушылықтарын ояту арқылы олардың денсаулығын сақтау және нығайту. Білімді, өнерлі, намысшыл парасатты еңбекқор ұрпақ қалыптастыру. Оқушылардың дене шынықтыру сабағына қызығушылығын арттыру, спортқа ынталандырып, салауатты өмір салтын қалыптастыру.

Ұраны: «Күнделікті дене белсенділігі – денсаулық пен ұзақ өмір сүруге бастар жол!»

Күтілетін нәтижелер:

1. Оқушылардың салауатты өмір салтын қалыптастыру.
2. Салауатты өмір салтына және зиянды әдеттерден аулақ болу ақпараттық белсенділік таныту.
3. Оқушылар арасында әр түрлі спорт түрлерін кеңінен қолдану және дамыту.
4. Спортқа деген уәждемелерін арттыру.

         Дене шынықтыру пәні апталығы аясында ұстаздарымызыдың өткізген ашық сабақтары және сыныптан тыс іс-шаралары талапқа сай өтті. Осы орайда онлайн және офлайн форматтағы ашық сабақтар, спорттық сайыстар,челлендждер, инстаграмм парақшасындағы байқаулар, онлайн және офлайн түрде сыныптан тыс іс-шаралар өткізілді. Әдістемелік кафедраның апталық жоспарымен таныстыру мақсатында алғашқы күні арнайы таныстыру видеосы мектептің ортақ watsapp чаты мен инстаграмм парақшасына және дене шынықтыру әдістемелік кафедрасының инстаграмм парақшасына да жарияланып, хабарланды.

      Осы орайда ұстаздарымыз бен оқушыларымызды дене шынықтыру апталығында болатын іс-шаралардың жоспары және  өткізілу барысымен таныстырып,  арнайы бейнеролик  пен хабарландырулар жолданып отырды.

    Аптаның басында  өткізілген «Шынықсаң шымыр боларсың!» атты таңғы жаттығулар кешенінің челленджі және «Өзіңнен баста! Спортпен шұғылдан!» спорттық жаттығулар кешені бойынша инстаграмм байқауы оқушылар үшін қызыққа толы болды. Өйткені бұл шараларға офлайн оқып жатырған оқушылармен қатар қашықтан оқып жатырған оқушылар, ұстаздар және ата-аналар да белсене қатысып, өз видеоларын жолдады. Бұл шараларды жас мамандарымыз – А.Жәутікова, А.Баймуханов, Б.Зұлқашев, М. Тыныштық өткізді. Нәтижесінде, челленджге 1-11 сынып оқушылары мен ата-аналары қатысып, 6 «В», 5 «М», 5 «Д», 6 «Л» класс оқушыларының видео жұмыстары өте жақсы деп бағаланды. Ал «Өзіңнен баста! Спортпен шұғылдан!» атты инстаграмм байқауының қорытындысы бойынша 1 – орын  Жұбатқан Әділбек 8 «В» класы, 2- орын Қонысбай Ақнұр 7 «Е» класы, 3 – орын Нагимова Наргиза 6 «Ж» класы, осы оқушылардың видео жұмыстары көп лүпіл жинап, жоғары нәтиже көрсетті.

          Дене шынықтыру пәні мұғалімдері  апталық кезінде ашық сабақтар мен қатар сыныптан тыс іс-шаралар да  өткізген болатын. Қазіргі таңда оқушыларымыздың көбі қашықтан оқып жатырғандықтан, ашық сабақтар да қашықтан, онлайн мектеп, ватсап және zoom платформалары арқылы өтті. Мысалға, «Күш және төзімділік дамытудағы қозғалыс әрекеттері» 6 «Ғ» класына Ж.Уразова, «Күш пен шыдамдылықты дамыту жаттығулары» 7 «Г» класына Т.Қаймолдин, «Әр түрлі кедергілерден жүгіру» 8 «А» класына А. Тубирова, «Қозғалыс техникасының элементтерін үйрету» 5 «А» класына Э.Алишева, «Еркін көшбасшылық рөлі» 10 «Ә» класына  З. Жаркенова,  «Дене жаттығулары кезіндегі ағзаның өзгеруі» 2 «Б» класына Б.Кошбаева, 11 «Б» класына

 Б. Утенов «Проведение соревнования и организация судейства» шаңғы тебу сабағы,

4 «Б» класына Ысқақов Б. «Қашықтан өту таспырмалары » тақырыбында ашық сабақтар өткізді.  Сонымен қатар онлайн форматта, З. Жаркенова «Жас  маман жұмысындағы кездесетін қиындықтар мен оны шешу жолдары»  тақырыбында вебинар өткізді. Ал жас мамандар-К.Айтқұлов пен Н.Айдарханов онлайн форматта «Спорт біздің серігіміз!» атты  оқушылар мен ата-аналарына бірге жасауға арналған дене жаттығуларын көрсетсе,  А.Тубирова ZOOM платформасы арқылы «Сергіту сәті және денсаулық» атты  компьютермен жұмыс кезіндегі көзге арналған жаттығулар кешенін  көрсетіп, оқушылар мен ұстаздар  көзге арналған жаттығуларды  бірге жасады.

       Апталық бойынша офлайн форматта мектепте де түрлі іс-шаралар мен ашық сабақтар өткізілген болатын. Мысалға 9 «Д» класына «Ойын кезіндегі көшбасшылық және командалық іс әрекет» тақырыбындағы Ә.Көбейсіннің сабағы сәтті болды. Ашық сабаққа тәжірибелі ұстаздарымыз бен жас мамандар қатысып, тәжірибе алмасты. Содай-ақ мектеп мұғалімдері арасында үстел теннисі бойынша спорттық сайыс, шахмат турнирі ұйымдастырылып, жүлделі орындар алған ұстаздарымыз арнайы мадақтамаларға ие болды. Ұстаздар арасында мұндай іс-шараларды ұйымдастырған:

Ж. Ишаулов, С.Ешмағанбетов, Н.Айдарханов. Футбол үйірмесінің жетекшісі Б.Талғатұлы 6-класс оқушылары арасында «Теңбіл доп» атты шағын футболдан турнирін өткізіп, балаларға жақсы көңіл-күй сыйлады. Ал М.Әділқайыров және Н.Үсенов 7-кластар арасында «Қысқы эстафеталық ойындар» сайысын өткізсе, С.Мінайдар, А.Әліп, Н.Жолболдин 3-класс оқушылары арасында «Ұлттық ойын-халықтың алтын мұрасы» тақырыбында асық ату  сайысын ұйымдастырып, жүлделі орын алған оқушылар мен кластарды марапаттады.

         Қаңтардың 30-ы күні  дене шынықтыру  апталығының жабылуына орай, апталық барысында белсенділік танытқан оқушыларға, сайысқа қатысып  жүлделі орындар алған оқушылар мен ұстаздарға  алғыс хаттар және мадақтамалар берілді.

Жоспарға сәйкес өткізілген іс-шараларға оқушыларымыз белсенді қатысып, өте жақсы нәтиже көрсетті. Жалпы апталық бойынша барлық шараларға оқушыларымызға өте қызықты өтіп, балалардың көңілінен шықты деп есептейміз. Осылайша оқушылар өздерінің спортқа деген қызығушылығы мен сүйішпеншілігін тағы дәлелдеп  берді. Болатын сабақтар мен іс-шаралардың анонс парақшасы мектептің ватсап чатына хабарланып, сабақ тақырыбы мен мақсаттары айқын көрсетіліп, өткізілген ашық сабақтар мен сыныптан тыс іс-шаралардың фото-видео есептері арнайы түсініктеме мәтінімен мектептің инстаграмм парақшасына және дене шынықтыру ӘК инста парақшасына да жарияланып отырды.

Апталықтың соңғы күні өткізілген іс-шаралардың қорытындысы шығарылып, барлық өткен ашық сабақтар мен сыныптан тыс іс – шаралар легі мектебіміздің  ресми сайтына және фейсбук пен инстаграмм желісіндегі №60 жалпы білім беретін орта мектеп парақшасына салынды.