Сапалы білім – жетістікке бастар жол

Мектепті жәй ғана білім ордасы емес,  сонымен қатар оқушылардың екінші үйі және құтты мекеніне қалай айналдыруға болады?

… Бұл сұрақтың жауабын табу мақсатында ұстаздарымыз сан ғасырлар бойы тер төккен…

Қазіргі таңда қосымша ақылы білім беру қызметі – жан-жақты білім беру ғана емес, сонымен қатар мекеменің материалдық жағдайын жақсарту күші болып табылады. Мемлекеттің білім беру мекемелеріне көмек беретіні сөзсіз. Алайда мемлекеттің көмегіне қол қусырып үмітпен қарау жеткіліксіз. Еліміздің заң аясында мемлекеттік стандарттардың талабы бойынша қосымша ақылы білім беру қызметінің құқығы қарастырылған.

Қабырғасының бояуы кеуіп үлгірмеген жаңа мектебіміз қаламыздың тәжірибелі мектептерімен тең дәрежеде жұмыс жасауда. Мәселен, “Айналайын” мектеп жанындағы жазғы тілдік лагерінен түскен қаржыға мектебіміздің жертөлесінде спорттық жаттығулар үшін  жөндеу жұмыстары жүргізілді. Қазан айында мектеп жанындағы “Жеңіс” спорт орталығы ашылды. Мектеп жанындағы спорттық орталықта бокс, кикбоксинг,күрес сынды спорттық үйірмелерге жағдай жасалған. Сонымен қатар, ағылшын, сауат ашу, математика үйірмелері өз жұмыстарына белсене кірісті. Ендігі оқушыларымызға әр түрлі үйірмелер үшін басқа аудандарға барудың қажеттілігі жоқ.

Қорытындылай келе, ұстаздардың толассыз еңбегі мектептің материалды-техникалық қорын дамытып қана  қоймай, оқушыларымызға жетістікке ұмтылуға күш береді.

Ілімбаева А.С.