«Мектебіміздің – спорт жетістіктері…»

Олимпиадалық ойындардың белсенді қайраткері Пьер де Кубертен: « О, спорт! Сен түгел ғаламсың» деп бекер тұжырым жасамағаны анық. Иә, күнделікті өмірде спортты сүйетін жандар көп. Жүрегі спорт деп соғатын оқушылар біздің мектебімізде де бар.

№ 60 жалпы білім беретін орта мектебінде де спортты жанына серік етіп жүрген жасөспірімдер қатары күн санап артып келеді. Спорттық іс-шаралар қарқынды дамып, оқушыларымыз облыстық және қалалық сайыстарға қатысып, қанжығасы майланып, спорт қоржынына бірнеше жүлделі орындар түсті. Атап айтатын болсақ, 11 класс оқушысы Базарбай Нұртөре 2017 жылдың наурыз айында ұйымдастырылған қалалық гір көтеруден I орынды иеленсе, Райгалиев Ақжол және Асқар Жүсіп сияқты оқушыларымыз облыстық шахмат жарысынан  жүлделі орынға ие болды.

Сайлаубек Дастан, Алпамыс Ерлан, Қазиев Расул, Бауыржан Ерасыл, Аманғалиев Жалғас, Тлесов Ален, Садырбаев Медет сияқты оқушыларымыз бокс жарысынан өздерінің жетістіктерімен таң қалдырып келеді.

Мектебіміздің сорттық жетістіктері – Қаймолдин Талғат, Көбейсін Әділбек, Ишаулов Жарас және Бекпанов Айдолла сияқты мектеп мұғалімдерінің есімдерімен тығыз байланысты.

Халқымыз «Шынықсаң-шымыр боласың» демекші, №60 жалпы білім беретін орта мектебімізде әлі де жаңа спортшылар өздерінің жеңістерімен бізді қуантады деген сенімдеміз.