Спорт – бақытқа бастар жол

«Шынықсаң – шымыр боласың» демекші, дене жаттығуы адам баласына қашан да пайдалы. Күні бойы өзіңді сергек сезініп жүрудің де бір тәсілі – спорт. Ғалымдар зерттеуіне сүйенер болсақ, спорт адамды шат-шадыман өмір сүруге де жетелейді екен. Олимпиадалық қозғалыстың белсендi қайраткерi Пьер де Кубертен: «О, спорт!  Сен – түгел ғаламсың» деп бекер тұжырым жасамағаны анық. Күніне кем дегенде 20 минут дене жаттығуымен шұғылданған адам өзін сергек, көңілді әрі өзіне сенімділігін арттыратыны анықталғаны белгілі. Осы мақсатта  2018 жылдың  29 қазан күні  мектеп алаңында  күзгі спартакиада ойындары  өтті. Спартакиаданың басты мақсаты – бұқаралық спортты дамыту, мектеп жастарының яғни оқушылардың  белсендігін арттыру, саламатты өмір салтын насихаттау және мектеп  бойынша спорт түрлерін дамытудағы ең мықты спортшыларды  анықтау. Жарысқа басқа мектептерден және №60 ЖББОМ-нің өз ішіндегі спортшылары қатысты. Жарыстың мақсаты оқушылардың спортқа деген белсенділіктерін арттыру, дене бітімдерінің қалыпты деңгейде өсуіп жетілуіне бірден кепілдік беру. Сондай-ақ бұл аталмыш ойында спорттың бірнеше түрлері болды. Олар: футбол, жүгіру, күрес т.б. сынды спорт түрлерінен сайысқа түседі. Спартакиаданың ашылуына қатысқан денешынықтыру пәнінің ұстаздары  жарысқа қатысушыларды құттықтап, -Елбасымыз Н.Ә.Назарбаев спортты дамытуға айрықша мән беріп, жыл сайынғы дәстүрлі Жолдауында Қазақстан халқының отыз пайызын бұқаралық спортқа тарту жөнінде міндеттеген болатын. Бұқаралық спорт – ұлт денсаулығының кепілі. Сол себептен спортқа үлкен мән беруіміз керек. Осы жарысқа қатысушы баршаңызға сәттілік тілеймін! -деген лебізін жеткізді.  Әрқашан мектебіміздің спортшылары өзіндік жетістіктермен үлкен белестерге жете берсін деп тілек білдіреміз!

Ілімбаева А.С.