Табысты мектеп – жарқын болашағымыздың кепілі

Білім беру ісі – қай заманда да тың реформаларды, жаңаша көзқарасты талап ететін сала.

 Әрбір өркениеттің өріне қадам бастаған мемлекеттің ең басты тірегі, оның идеясы мен саясатын алға апарушы білім беру саласының алғашқы баспалдағы -мектеп

         Мектеп – бұл тек білім беру ұйымы ғана емес, сонымен қатар мәдени орталық, онда жеткіншектің қоғамдық өмірі қалыптасады, сонымен бірге оқушылардың бойында тәрбие кеңістігінде өмірге деген құнды көзқарас тұрақталады. Ақтөбе облысындағы осындай білім беру ұйымдарының арасында көкірек-көзі ояу, ойлауы терең,санасы биік, еліміздің болашағы білімді ұрпақ тәрбиелеуде алдыңғы шепте келе жатқан мектептердің бірі №60 жалпы білім беретін орта мектеп екені баршамызға аян.  2020-2021 оқу жылына арналған «Білім және ғылым:жаңа оқу жылының ерекшеліктері» тақырыбындағы тамыз кеңесінде облыс әкімі О.О.Сейілұлы 2019-2020 оқу жылының қорытындысы бойынша орта білім беретін үздік ұйымды анықтады.Нәтижесінде,№60 жалпы білім беретін орта мектеп Ақтөбе облысы бойынша  «Орта білім беретін үздік ұйым» байқауының грант жеңімпазы атанып, 8500000 (сегіз миллион бес жүз мың) теңге көлеміндегі грантқа ие болды. Аз ғана уақыт  аралығында осындай үлкен жетістікке жеткен мектебіміздің мерейі үстем, абыройы асқақ. Мектебіміздің мәртебелі мақтанышы  мектеп әкімшілігі мен барша ұстаздар қауымының шығармашылығын шыңдап,келер күннен алар асулары мен бағындырар биіктерінің берекелілігіне бас иіп,жарқын болашаққа жаңа қадам, тың ой, үлкен үмітпен ізденуіне із тастағандай.  Төрт жылды ғана тарих еншісіне тастаған жас мектептің ауыз толтырып айтатындай жетістіктерге жетіп,мектебіміздің қала,облыс деңгейіне танылуына бірден-бір себепкер тұлға,жанашыр азамат – мектеп директоры Тажимишев Абзал Амантаевич. Мектеп  басшысы -іскер, ұйымдастырушылық шеберлігі  өте жоғары,білімді, ел сүйер азамат.

Жаңа тарихымыздың жарқын болашағы жолында кішілік пен кісілік тұрағы атанған өзіңіздің кәсіби іскерлігіңізге, ұлтжандылығыңызға, қоғамымыздың саяси, әлеуметтік тыныс-тіршілігін таразылай алатын жауапкершілігіңізге, шебер ұйымдастырушылығыңызға бас ие отырып, СІЗ және сіз басқарып отырған ұжым әлі талай жетістіктерге жететініне, үздік мектептермен үзеңгілесе отырып, таразы басын тең ұстайтын, жеңіс жалауын жоғары желбірететін тұғырлы мектеп болатынына  сенеміз!