Тіл – халық жанын танудың кілті

“Қазақстан – біртұтас жер, біртұтас халық, біртұтас болашақ”,- деп Қазақстан Республикасының  президенті айтқандай тіл мен мәдениеттің біртұтастығы ─ тәуелсіз мемлекеттің жарқын болашаққа ұмтылыс күші.

Қазақстан ─ жүзден астам  ұлттардың басын қосқан ұлы мекен. Олардың салт-дәстүрлері, тілі мен мәдениеті жоғалмас үшін қолайлы жағдай жасалған.

Жыл сайын егемен елімізде 22- қыркүйек күні Қазақстан халқының тілдер мерекесі аталып өтіледі.

Мемлекеттік тіл мен Қазақстанды мекендейтін этностық бірлестіктердің ұлттық тілдерін дамыту мақсатында Ақтөбе қаласындағы “№60 жалпы білім беретін орта мектеп ” КММ-де аталмыш мерекені тойлау барысында бірқатар іс-шаралар өтті. Атап айтар болсақ, “Тіл ─ мемлекет тірегі” атты апталықтың ашылу салтанаты, “Ассорти”, “Умники и умницы” лингвистикалық ойындары, “Қасиет пен құт дарытқан ана тілі” интелектуалдық ойыны және т.б. Сонымен қатар барлық кластарда тілдер мерекесіне орай тәрбие сағаттардың ауқымды  өткізілгендігін зор мақтанышпен айта аламыз.

Ұстаздарымыз іс – шаралардың барлық кластардың қамтылуына және  әр түрлі бағытта өткізілуіне аса көңіл бөлді. Мектебіміздің белсенді оқушылары мерекенің жоғары дәрежеде өтуіне өз үлестерін қосты. Өздерін жан-жақты көрсете білген оқушылар алғыс хаттармен марапатталды.

Ілімбаева А.С.