Тәртіп сақшылары

Кәмелетке толмағандар арасындағы құқық бұзушылықтың алдын алу, қоғамдағы қылмыстың алдын алу мақсатында мектептің оқушылары және мұғалімдерінен жасақталған «Тәртіп сақшылары» және мектеп инспекторы қатысуымен түнгі рейдтер жүргізілді.

Жүргізілген рейдтердің басты мақсаты – жасөспірімдер арасындағы қылмыстың алдын алу және ескерту, спирттік ішімдіктерді пайдаланатын кәмелетке толмағандарды, сонымен қатар, оларға алкогольдік ішімдіктер мен темекі өнімдерін сату арқылы қоғамға қарсы іс-әрекеттерге итермелейтін ересектерді, түнгі мезгілде ойын-сауық мекемелерінде, тұрғын жайдан тыс жерлерде ата-аналарының қарауынсыз жүрген кәмелетке толмағандарды анықтап, ойын-сауық мекеме иелеріне және ата-аналарына әкімшілік шаралар қолдану. Кәмелеттік жасқа толмаған жасөспірімдердің қауіпсіздігін, балалар құқықғының қорғалуын қамтамасыз ету, түнгі сағат 23:00-ден кейін көшеде заңды өкілінсіз жүрмеуін көшедегі қала тұрғындарының (ата-аналардың) есіне салу.

          2021 жылдың 1 қыркүйегінде жасөспірімдер арасындағы қылмыс пен құқықбұзушылықтың алдын алу мақсатында №60 жалпы білім беретін орта мектеп жанынан құрылған «Тәртіп сақшылары» тобы, директордың тәрбие ісі жөніндегі орынбасары Мұқамбетәзиев А.М. пен мектеп инспекторы А.Қ.Жұбаназарова Нұр-Ақтөбе мөлтек ауданында түнгі рейд жұмысын жүргізді. Жұмыс тобы Нұр-Ақтөбе мөлтек ауданында балалар мен жасөспірімдердің жиналуы мүмкін деген болжалды орындарды аралай отырып, кешкі мезгілде жүрген оқушыларға кешкі сағат 23:00ден кейін жүруге болмайтындығын ескертіп, оқушылармен түсіндіру жұмыстарын жүргізді. Тәртіп сақшылары аталған іс-шара арқылы кәмелетке толмағандардың арасындағы заңбұзушылықты болдырмауды көздейді.