Қарттарын қуаттаған, жетімін жылатпаған…

«Халқын сүйген, салтын сүйеді»,-дейді дана халқымыз. Күні бүгінге дейін қаймағы бұзылмай сақталып келе жатқан ізгі дәстүріміздің бірі-қазыналы қарттарымызды қадірлеу.

Ақылы дария, сөзі өнеге қарттарымыз – біздің жұтамас байлығымыз, сыр шертер тарихымыз.

1 Қазан Халықаралық қарттар күні қарсаңында Тажимишев Абзал Амантайұлы басқарып отырған №60 ЖББОМ ұжымы да айтулы мерекені ұлықтап, «Нұр Ақтөбе» қалашығының тұрғындарына мерекелік кеш сыйлады. Концерт барысында мектебіміздің өнерлі жастары мен мектеп оқушылары әуелетіп ән салып, мың бұрала биледі, өлең оқылды. «Кезінде дана көңіл, бүгінде бала көңіл» қарттарымыз рухани азықтанып,бір марқайып, көңілдері көтеріліп қалды.

Сонымен бірге, жас жеткіншектердің бойына ізгі қасиеттерді сіңіре отырып, үлкенге құрмет, кішіге ізет көрсетіп өскен ата-бабамыздың  салт-дәстүрінен нәр алуға, ақ жаулықты аналар мен ақ сақалды аталарымызды сыйлай білуге тәрбиелеу мақсатында барлық кластарда тәрбие сағаттары өткізілді. Тәрбиелік мәні зор дөңгелек стол мен кездесулер ұйымдастырылып, қарттарымыздың көңілінен шыға білді.

Романова М.К.