Қуаныш сыйлаған «Шырайгүл» гүлі

Тіршілік- табиғат көзі. Табиғаттың сыйға берген әр затын көз қарашығындай сақтай білсек, жер ананың, адамзаттың айтар алғысы шексіз болары сөзсіз.

Зәулім мектебіміздің құшағын айқара ашқан ауласы мөлтек ауданымыздың саябағына айналғанына жылдан кетті. Жеріміздің самал желі, мектеп ауласындағы әр түрлі «Шырайгүл» гүлдерінің хош иісі серуенге шыққан жандарға әдемілік пен қуаныш сыйлайды. Жақсы сезімге баулиды.

Міне, табиғатқа шынайы сезіммен қарайтын жандардың бірі №60 мектептің оқушылары, ұстаздары, ата-аналары.  Құлаштай кең ауланы көгалдандыруды қолға алып, жылдағы үрдіске айналдырған «Шырайгүл» гүлін әр класс 100 көшеттен отырғызып, баптауда. Көктем келісімен гүл шоқтарын кластарға бөлінген жер учаскелеріне отырғызып, жаз уақыты оны суарып, бабына қарай  баптау ұстаздар, ата-аналар, оқушылардың еңбегінің бір бөлшегі болып отырады.

Күллі әлемге нәрімен, асымен, суымен қуат беріп отырған Жер-Анаға мың алғыс!

Табиғат жанашырлары 8 «Б» класс оқушылары «Шырайгүл» гүлін отырғызып, үлес қосуда.