Құқық бұзушылықтың алдын алу басты-міндет

Құқықбұзушылықтың алдын алу туралы

Кәмелетке толмағандар арасындағы құқық бұзушылықтың алдын алу, қоғамдағы қылмыстың алдын алудың аса маңызды аспектісі болып табылады. Заңды, әлеуметтік пайдалы қызметке және қоғам мен өмірге ізгілікті көзқарас қалыптастырып, жастарды қылмыстық қызметке жол бермейтін қағидаларға тәрбиелеу қажет.

Құқық бұзушылықтың  алдын алу басты міндет.  Осыған орай мектебімізде 2018 жылдың 8 қазан күні 6,7,8 кластардағы жас өспірімдерге қоғамдағы келеңсіз жайттардан сақтану,  Азаматтық Кодекс туралы түсінік қалыптастыру, ішкі тәртіп талаптарын орындау мәселелері шеңберінде жиын өтті. Бұл аталмыш жиынға полиция бөлімінің аға инспекторы Хамзин Тұрар Боранбаевич және аға инспектор Жармаханова Алтын, Нұр Ақтөбе ықшам ауданының  аймақтық инспекторы және  ІІБ кәмелетке толмағандар ісі жөніндегі бөлімшенің қызметкерлері , сондай-ақ директордың  тәрбие ісі жөніндегіорынбасарлары , мектеп инспекторлары, мектеп психологтары, ата-аналар комитетінің төрағасы  және класс жетекшілер қатысты.  Қазіргі қоғамның алдында тұрған басты міндеттердің бірі- балалар мен жасөспірімдер арасындағы құқық бұзушылықтың алдын-алу кәмелетке толмағандар арасындағы қылмыстың өсуіне жол бермеу. Аталмыш жиында жасөспірімдерге қоғамда,мектепте т.с.с. басқада жерлерде өздерін қалай ұстау керектігі жөнінде сөз болды.

«Ел болам десең ,бесігіңді түзе» дегендей дана халқымыз жеке тұлға болып қалыптасуда әрбір жасөспірімдер тәртібі мен тәрбиесіне мән беріп, бос уақытын тиімді пайдалана білсе, құқық бұзушылық пен қылмыстың алдын алуына көп септігін тигізері сөзсіз.

Ілімбаева А.С.