Ұлы дала тарихына тағзым…

Халқымыздың тəуелсіз Қазақстан Республикасы атты мемлекет құрып, ұлттың азаттығын сақтай білуі бүгінде қаншалықты маңызды болса, сол мемлекеттің шынайы да танымды тарихын жазып, келер ұрпаққа жеткізе білуде соншалықты маңызды. Өйткені, тарих – ұлттың жады. Танымды тарихы жадында жатталған ұлт қана ұлт ретінде сақталып, басқалармен қатар терезесі тең өмір сүре алады. Тарихын қастерлеген ұлт қана өткеннен өнеге  алып, қателіктерді қайталамай, келешегіне сеніммен қарайды.

Келешекті жоспарлау үшін адамға өткен күнге көз салу керек. Тарих – біздің істеріміздің өткенінің куәсі, қазіргіміздің үлгісі мен өнегесі, ал болашағымыздың асыл қазынасы. «Болашақты  көзге елестету үшін де, кешегі өткен тарихымыздағы халқымыздың кешкен қиындықтары мен  бейбіт күн үшін күрескен ерліктері мен еңбектерін бүгінгі ұрпаққа жеткізуде, олардың саналы азамат болып өсуіне үлес қосуда  ұстаздардың еңбегі зор. Төл тарихын білетін, бағалайтын және мақтан ететін халықтың болашағы зор болады деген  сенеммен 2018  жылдың қараша  айының 26 мен 3 желтоқсан  күндері аралығында  Ақтөбе қаласының №60 жалпы білім беретін орта мектебінде «Ұлы дала тарихына тағзым» тақырыбында тарих әдістемелік бірлестігінің пәндік апталығы өтті.

Пәндік апталық – Тәуелсіз еліміздің Халықаралық беделінің жоғары деңгейде көтерілгенін, сол деңгейге жетудегі Елбасының жолы туралы оқушыларға насихаттау. Оқушыларға ел тарихын танып-білуде тарихи тұлғалардың қоғамдағы қызметтерінен үлгі алу, өзіндік ой-пікір қалыптастыру  мақсатында жоспарланғанды.

Апталық дүйсенбі күні салтанатты жиын түрінде ашылып, 5, 7-сыныптың  оқушылары Н.Ә.Назарбаевтың  – «Ұлы даланың жеті қыры» атты мақаласын насихаттау мақсатында жүргізілді. Сондай-ақ тарих пәнінің ерекшеліктері туралы айтылып, ақын-жазушылардың өлеңдері мен қанатты сөздері жатқа оқылды. Музыкалық оркестрмен «Балбырауын» күйі орындалды.

Апталық  аясында ашық сабақтар, сыныптан тыс танымдық-зияткерлік сайыстар, дөңгелек үстел ұйымдастырылды. Оқушылардың тарихи танымын, пәнге деген қызығушылығы мен білімдерін арттыру мақсатында өткен ашық А.Сыдыкова, Е.Касимов, А.Мұқамбетәзиев, А.Ниязбаганбетованың сабақтары «үлгілі» деп танылса, А.Ертемір, А. Бердіғалиева, А.Қоңыратбаеваның   ашық сабақтары ерекше жаңашылдықпен, үлкен талпыныспен өткізіліп,  оң бағасын алды. Пән мұғалімдерінің  ізденісі тек ашық сабақтармен ғана шектелмей, сыныптан тыс шаралар да үлкен  дәрежеде өткізілді. Атап айтсақ, «Семь граней великой степей», «Елін сүйген, елі сүйген – Елбасы» атты  дөңгелек үстел оқушылардың жан-жақты қырларын ашып, зеректігі мен алғырлығын көрсетсе, енді ғана тарих пәнінің қыр-сырымен танысып келе жатқан 5-6 сыныптар үшін ұйымдастырылған  «Ұлы даланың тұлғалары» сайысы оқушылардың ерекше қызығушылықтары мен белсенділіктерін оятты.

Апталықтың жабылу салтанаты мәжіліс залында ұстаздар мен оқушылардың қатысуымен үлкен дайындық пен нәтижелі еңбекке толы әдеби сазды кеш түрінде өтті. Кеште апталық аясында өткізілген іс-шараларда белсенділік танытқан оқушылар марапатталды, патриоттық әндер шырқалып, мың бұралған биге ұласты.

Бүгінгі күн – ертең тарих. Сондықтан да тағылымы мол тарихты тереңнен қазған апталықтың оқушыларға берер өнегесі мен тәрбиесі мол болды. Өткенін мақтан тұтып, бүгінін нақты бағалай білу және болашаққа оң көзқарас таныту – еліміздің табысты болуының кепілі дегеніміз осы.