Ұстаз – ана, өнерлі өрен

№60 жалпы білім беретін орта мектебімізде эстетика бірлестігінің апталығы қызықты да тартымды өтті. Апталықтың қызықты өткені сондай, Мухамедиева Дәмелі Орынбасарқызының ұйымдастыруымен эстетикалық тәрбиенің рөлін арттыру, талғам мәдениетіне тәрбиелеу мақсатында “Ұстаз- ана, өнерлі өрен” атты 5-8 кластар  арасында патриоттық ән байқауын өткізді. Байқауға класс жетекшілер оқушыларымен бірге қатысып әсем әуезді патриоттық әндерді орындап таңдай қақтырды. Байқауға 9 жұп қатысып бас жүлдені 7”Ғ” класы иеленсе, I орынды 5”А” класы, II орынды5 ”В” класы, III орынды 5”Б” және 7”Ә” класс жетекшілері мен шәкірттері иеленді.

Эстетикалық тәрбие арқылы бала қоршаған ортадағы әсемдікті көре білуге, алған әсерін шығармашылық жұмысында көрсетуге, бейнелей білуге үйренетіні белгілі. Ендеше музыка пәнінің ұстазы Дәмелі Орынбасарқызына осындай тамаша әсерде қалатындай әдемі байқау өткізгені үшін ұздаздарымыз дән риза. Алдағы уақытта да осындай мектепшілік ұстаз бен оқушы арасында бірлескен байқаулар мен сайыстар жалғасын табатынына сеніміміз мол.

Амирова Н.Ж.