Ұстаз мәртебесі- ел мәртебесі
Ұстаз-ұлағатты ұғым. Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі Ұстаз.
Барша адамзат баласының санасын оятып,сауатын ашатын-Ұстаздар қауымына қанша мақтау-мадақтау айтсақ та жарасымды-ақ!
Осынау табиғат- ананың мейірленіп, төрткүл дүниені молшылық пен берекеге бөлейтін Алтын күздің алғашқы аптасында еліміздің ұлағатты ұстаздар мерекесі тойланады. Осы мерекеге орай №60 жалпы білім беретін орта мектептегі мұғалімдердің, ұлағатты ұстаздарымыздың еңбектері елеусіз қалған жоқ. Мектебімізде ұйымдастырылған “Ұстаз–ұлы есім“ атты ұстаздар мерекесіне арналған кеште ұстаздарымыздың 2016-2017 оқу жылындағы жүргізілген мониторинг нәтижесі бойынша еңбектері бағаланған “Үздік 25 ұстаз” марапатталды. Сонымен қатар “Үздік сынып жетекші”, жазғы “Айналайын” лагерінде еңбек еткен мұғалімдер “Үздік басшы”, “Үздік тәрбиеші”номинациялары бойынша марапатталып, мектеп ауласын көгалдандыру жұмысына ат салысқан мұғалімдерге алғыс хаттар табыс етілді.
“Ұстаздық еткен жалықпас, үйретуден балаға”-дегендей , шәкірттерге білім мен тәрбиені қатар беріп жүрген, жас ұрпақты ізгілікке баулып, жақсылыққа тәрбиелейтін ұлағатты ұстаздарымызға шығармашылық табыс, еңбектеріне жеміс тілейміз.