02.02.2022 күні мектебіміздің тәрбие ісі жөніндегі орынбасары А.М.Мұқамбетәзиев пен мектебіміздің ер мұғалімдерінен құралған “ТӘРТІП САҚШЫЛАРЫ

02.02.2022 күні мектебіміздің тәрбие ісі жөніндегі орынбасары А.М.Мұқамбетәзиев пен мектебіміздің ер мұғалімдерінен құралған “ТӘРТІП САҚШЫЛАРЫ” бірлесіп кешкі уақытта құқықбұзушылықтың алдын алу мақсатында түнгі рейд жұмыстарын жүргізді. Шара барысында ер мұғалімдер түнгі дүкендер мен ойын орталықтарына бақылау жүргізе отырып, көшелерде кездескен кәмелеттік жасқа толмаған жасөспірімдер мен олардың ата-аналарына да түсіндірме жұмыстарын жүргізді. Түнгі рейд жұмыстары қоғамдық тәртіптің сақталуын қадағалап қана қоймай, дұрыс бағытқа тәрбиелейді. Қоғамдық тәртіп пен жасөспірімдердің қауіпсіздігін үнемі бақылауда ұстап отыру қажет.

          Рейдке шыққан мектеп мұғалімдері мен оқушыларынан жасақталған  «Тәртіп сақшылары» көшеде кездескен қала тұрғындарынан «Кешкі мезгілде көшеде жүрген мектеп оқушылары кездеспеді ма сізге?», «Егер кешкі 23:00 ден кейін көшеде мектеп оқушыларын көрсеңіз мектеп әкімшілігіне немесе ІІБ қызметкерлеріне хабарлар ма едіңіз?», «Сіз үйдегі өз балаларыңыздың кешкі мезгілде көшеде жүруіне қалай қарайсыз?» деген сияқты т.б. көптеген сұрақтарына жауап алды. Сауалнама барысында өз жауабын айтып, әрдайым мұндай акцияларға қатысып, көмектесетінін білдірген ата-аналарға «Тәртіп сақшылары» алғысын білдірді.

Сондай-ақ, рейд барысында көшедегі кездескен жасөспірімдерге, ата-аналарға арнайы дайындалған үн парақтар таратылып, түсіндірме жұмыстары жүргізілді. Аралау барысында компьтерлік клубтарына, ойын-сауық мекемелеріне де үн парақтар таратылып, түсіндірме жұмыстары тиісінше жүргізілді. Түнгі рейд жұмыстары кезінде кәмелетке толмаған мектеп оқушылары анықталаған жоқ және тәртіп бұзушылық болған жоқ.