1 қыркүйек-Білім күні

2017  жылдың  1  қыркүйегі. Көзді  ашып- жұмғанша  өте  шыққан  жазғы  демалыс  артта қалды.Ақтөбе  қаласындағы  №60  орта  мектебінің  алды  ығы-жығы. Мемлекетіміздің  Көк  Туы желбіреп, Елтаңбамыз  алыстан  ерекше  көзге  түседі. Жаз  бойы  бір-бірін  көрмеген  оқушылар сағынысып  қауышып  жатыр. Жүздері  бал-бұл  жанған. Омыраулары  әр түрлі  қызылды-жасылды көздің  жауын  алатын   гүлдерге толы. Мектептің  алдында  көздеріне  қуаныш  сезімі  ұялап,  жаз бойы  өзінің  құрдастарын, құрметті  ұстаздарын, алтын  ұя  мектебін  сағынып  келген  оқушылар тұр.  Өздерінің  дәл  осындай  сәттерін,  алғашқы  қоңырауларын  көз  алдарына  елестетіп , еске   түсірген  аяулы ата-аналар  отыр.Бұрынғы  қиналған  сәттерін, қара  шаштарына  түскен   “ақ қырауды”   ұмытып, шәкірттерін  асыға  күткен  ұстаздар  тұр.

Мектеп  оқушылары  мен  қонақтар. Бәрі, бәрі  бар…