Елі сүйген, елін сүйген – Елбасы!

Бүгінгі таңда елімізде 1 желтоқсан – Тұңғыш Президент күні аталып өтілуде. Атаулы мейрам жаңа тәуелсіз мемлекеттің негізін қалаушы ретінде Нұрсұлтан Әбішұлы Назарбаевтың айрықша еңбегіне құрмет ретінде белгіленген болатын. Еліміздің ел болу шежіресі сан түрлі белестерден тұрады. Сол белестердің ең алғашқысы ол еліміздің Тұңғыш Президентінің сайлануы болатын. Тәуелсіз Қазақстанды сындарлы жолдардан, сан түрлі белестерден құлатпай, сүріндірмей алып шығу үшін де үлкен қажыр қайрат пен, ұлтына, қазағына деген сүйіспеншілік керек еді. Нұрсұлтандай ұлдың бойынан сол қасиеттердің барлығы дерлік табыла білді. Халықты қашанда білікті басшы шыңға шығарады емес пе? Ал біліксіз басшы шыңырауға түсіреді. Біздің еліміздің шыңға өрлеп, бүкіл әлем мойындаған ел болуы аянбай еңбек еткен басшымыздың арқасы екенін бүгінде баршамызға аян.
“Елі сүйген, елін сүйген – Елбасы” атты мерекелік кеш ауқымды түрде аталып өтті. Аталмыш кешке мектебіміздің өнерлі жас ұстаздары және бастауыш класс оқушылары қатысып, өз өнерлерін дүйім жұртшылыққа тарту етті. Мерекелік шарада мектеп директоры А.А.Тажимишев киелі сахна төрінде өнер көрсеткен ұстаздарға, оқушыларға, кештің ұйымдастырушыларына ризашылықпен жылы лебіздерін жолдады.  Еліміздің дамуы мен тарихилығын айқындайтын Тұңғыш Президент күні келешекке үлгі болар ұлы мереке. Елбасының елеулі еңбегі ізгі бастамалармен жылдан-жылға толығып, ел игілігімен жаңаруда.