«Саналы тәрбие — сапалы білім негізі» атты ашық есік күні

2019 жылдың 4,5,6 наурыз күндері  «Саналы тәрбие — сапалы білім негізі» атты 8 наурыз халықаралық әйелдер күні қарсаңында, мектептегі тәрбие жұмысы бойынша 1-11 кластарда «Ашық есік күні» ұйымдастырылды. Ана мен бала идеясының құндылығын кеңінен насихаттау арқылы ата-аналарды мектептегі іс-шараларға белсене атсалысуға шақырды. Осындай мақсатты ұстанған бұл игі бастама арқылы әр ата-ана баланың жекелеген жетістіктерімен және мектептің тәрбие жұмысымен толық танысуға мүмкіндік алды. Тәрбие сағаттары барысында өмір бесігінде іңгә тербетіп, адамзат баласына ұрпақ сыйлар ұлы құдірет иесінің, АНАның, есімі әрқашан да қастерлі екенін, сөзі — өсиет, тұғыры — биік жан екендігін ұғындыру мақсатында әрбір класс оқушылары өздерінің өнерлері мен ыстық лебіздерін аналарына арнады. Тәуелсіз еліміздің ұл-қыздарын тәрбиелеп, азаматтарға сенімді тірек болып, қиын-қыстау кезеңде демеу болып жүрген әйел-аналарымыздың қоғамдағы рөліне тоқталып, аналарымыз бен қыз балаларға мерекелік марапаттар табыс етті және гүл шоқтарын ұсынды. Көзайым болған ата-аналар әдемі кешті ұйымдастырған ұстаздар мен оқушыларға алғысын білдіріп, мәз- майрам болып тарқасты.