«Мәңгілік елдің» бүгінгі жас құрылысшысы — Қазыбек Дильназ

Әрбір мектеп бітіруші түлектің мақсаты — өзіне артылған сенімді ақтап, өзі сүйген мамандықтың иесі атану. Осыдан санаулы ғана жылдар бұрын мектеп атты қастерлі мекеннің табалдырығын жасқана да жүрексіне аттап, білім нәріне бас қойған Қазыбек Дильназ, қазір 11 «Ә» класында білім алуда. Үздік аттестатқа үміткер оқушымыз. Ағын судай жылжыған жылдар легі оқушының өрісін кеңейтіп, танымын тереңдетті. Бұған дәлел, Дильназ — құқық пәні бойынша қалалық, облыстық олимпиада жүлдегері, мектебіміздің белді волейболшысы, спорттық сайыстардың жеңімпазы. Оқушымыз білім жаңалығының қабылдаушысы болып қана қоймай, мектебімізде өткізілген қаншама игілікті шаралардың да белортасында жүргені көпке мәлім. Оқушысының бойына терең білім мен тәлімді тәрбие егуді өзімнің жауапкершілігім деп ұғатын класс жетекшісі Мажитова Шынар апайы және барлық ұстаздар қауымы Дильназға үлкен үміт артады. Елбасымыз мақсат етіп қойған «Мәңгілік елдің» бүгінгі жас құрылысшысы екендігіне сеніміміз мол!