15 мамыр — халықаралық отбасы күні

Отбасы – сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Отбасының аман-саулығы — әрбір елдің дамуы мен келешегінің өлшемі. Қасым Аманжолов өзінің жарына арнаған бір өлеңінде: »Отбасы – шағын мемлекет, Мен – президент, сен – премьер» дегені бар. Шынында, отбасы – ол да бір шағын мемлекет. Ұрпақтың ер жетіп, бойындағы алғашқы адамгершілік белгілері отбасында қалыптасатыны белгілі. Жанұя – табиғат сыйлаған кереметтердің бірі. Жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуге отбасы – алғашқы қадам. Жанұя – өте қажетті, басқадай еш нәрсемен өзгертуге болмайтын баспалдақ. Отбасының басты қызығы, алтын тіреу діңгегі – бала. Баланың тәрбиелі болып өсуіне берекелі отбасының әсері мол. Жанұяның әрбір мүшесі өзара сөйлесіп, не болмаса ата-ананың, баланың, міндетін атқару ғана емес, береке — бірлік, сүйіспеншілікпен араласса, босағасы берік, шаңырағы биік отбасына айналары сөзсіз. Ата мен ана – бала тәрбиесінің қамқоршысы, өнегесі. 15 мамыр — Халықаралық Отбасы күніне орай мектебіміздің ең белсенді 6 «Г» класс ата-аналары атынан балаларды салауатты өмір салтына баулып, жаңашылдыққа тәрбиелейтін керемет игі бастаманы ұсынбақпыз. Сонымен бірге, қазақ халқының отбасы тәрбиесіндегі өзіне тән жарасымдылығының жалғасы ретінде мектеп ата-аналарынан үлкен белсенділік күтеміз.
Класс жетекшісі: Төлеухан Г.М

ТӘРБИЕ БӨЛІМІ