Мамандық таңдау — маңызды іс

Болашақта ел тұтқасын ұстайтын азаматтардың болашақ мамандығын анықтауға бағыт-бағдар беру – бүгінгі күн тәртібінде тұрған маңызды мәселердің бірі. Мектеп оқушыларының мамандық таңдауда дұрыс бағыт алу мәселесі мектептің психологиялық қызмет аясында жүргізілетін аса жауапты да маңызды жұмыстарының бірі болып отыр. Бала үшін болашақ мамандықты таңдау өмірлік жолын дұрыс таңдаумен бірдей. Мектептегі кәсіптік бағдар беру жұмысының негізгі міндеттері төмендегідей:
— оқушыларды көпшілік мамандықтар туралы түсінікпен қаруландыру;
— кәсіптік қызығуы мен бейімділігін, қабілеттілігін қалыптастыру және дамыту мақсатында оқушылардың дара ерекшеліктерін зерттеу;
— мектеп бітірушілерге мамандық таңдауға көмектесу;
— оқушыларды белгілі мамандықтың түрін меңгеруге бейімдеу.

Мектебімізде қанша оқушы болса, сонша оқушының жеке-жеке қабілетін, бейімділігін анықтап, бағыт беріп отыру, мамандықты дұрыс таңдауға жол сілтеу – үлкен мәселе. Аталмыш мүддені көздеп, мектебімізге қаламыздың білікті мамандар даярлап отырған колледж өкілдері келді. Қазіргі заман талабына сай қоғамда тапшы болып отырған мамандықтар(аспаз, мердігер-дәнекерлеуші, кондитер, тігінші, тіс дәрігері, дизайнер, медбике) туралы ата-аналар үшін түсіндіру жұмыстары жүргізіліп, қойылған сауалдарға нақты жауаптар берілді.

Тәрбие бөлімі