«Қазіргі қоғамдағы діннің орны және деструктивтік діни экстремизм»

Қоғам үшін қауіпті дәстүрлі емес теріс діни ағымдар қазіргі таңда кезек күттірмейтін мәселе. Осы орайда «Қазіргі қоғамдағы діннің орны және деструктивтік діни экстремизм» тақырыбында 2019 жылдың 16 сәуір күні №60 ЖББОМ-да Алматы Республикалық «Аңсар» ақпараттық талдау орталығының мүшесі теолог маманы — Чингужанов Рауан Жұмабаевпен жəне «Нұрлы» ақпараттық кеңес беру орталығының директоры — Құдайбергенов Мақсат Мұратұлымен кездесу өтті. Деструктивті діни ағымдар халықты өз жақтарына алдау үшін, дәстүрлі ислам дінінің атын жамылып немесе тіл курстары мен қағаздар тарату арқылы өздерінің үгіт-насихаттарын жүргізеді. Ең алдымен, нысанда тұрған адамның әлеуметтік жағдайын біліп, отбасындағы мәселелерді қарастырып, психологиялық әсер тигізіп, өздерін жақсы ұйым ретінде көрсетіп, арбап алады. Деструкивтіліктің пайда болуының басты себептері мыналар:
– елдегі азаматтардың әлеуметтік мәселелерінің төмендеуі;
– тіркелмеген діни ұйымдардың мәліметтерін тиянақты зерттелмеуі;

– мемлекетімізде белгілі бір діни идеологияның жоқтығы т.б. жатады.
Осы көрсетілген факторлар еліміздегі деструктивті ағымдардың заңсыз үгіт-насихаттарын жүргізуіне себеп болып отыр. осы мәселелер бойынша хабардар ету үшін аталмыш кездесуге «Нұр-Ақтөбе» ықшам ауданының ата-аналары келіп қатысты. Кезекті кездесуге арнайы қатысқан теолог маманы Чингужанов Рауан Жұмабаевқа сауалдар қойылды. Сөздің соңында, бүгінгі кездесуіміздің басты міндеті — жастарымыздың діни сауаттылығын арттыру, саналы ұрпақты тәрбиелеу екендігін ерекше атап көрсетті.