Психологиялық қызметтің 2018-2019 оқу жылы бойынша І жартыжылдық есеп талдауы.

Психологиялық қызметте мектеп проблемасы негізінде жылдық жоспар құрылып, жүзеге асырылуда. Осы жоспарға сүйене отырып, қыркүйек айында жекелеген оқушылардың психологиялық — әлеуметтік жеке картасын дайындаудан бастады. Биылғы оқу жылында мектепте 3221 оқушы білім алуда. 117 класс комплект бар және 212 мұғалім жұмыс жасайды. Мектептегі психологиялық қызмет келесі бағыттар бойынша жүзеге асты: психодиагностика, кеңес беру, түзету-дамытушылық, ағартушылық-профилактикалық, әлеуметтік-диспетчерлік бағыттар.
Психодиагностикалық бағыт бойынша оқу жылының басында 1 класс оқушыларының мектепке дайындығы мен бейімделуі зерттелді. Диагностика үшін “Бейімделу кезеңі” әдістемесі және И.Керннің психологиялық субтесті пайданылды. Нәтижесінде бейімделуі әлі де қиын оқушылар саны: 10 оқушы анықталды. Оқушылармен психологиялық қолдау жұмыстары жүргізілді.
5 класс оқушыларының бастауыш буыннан орта буынға бейімделу кезенінің жағдайын зерттеу жүргізілді. Оқушылардың психологиялық ауызекі логикалық даму деңгейлері, қысқа мерзімді есте сақтау, “Социометрия” әдістемелері жүргізілді. Нәтижесінде 4 оқушы әлі де бейімделу үстінде екені анықталды. Оқушылармен психологиялық қолдау жұмыстары жүргізілді.
Даму мүмкіндігі шектеулі балалармен жұмыс. 2018-2019 оқу жылында 13 оқушы инклюзивті білім алып, 9 оқушы үйден оқытылып жатыр. Оқушылармен аптасына 1 күн кесте бойынша түзету-дамыту жұмыстары, психологиялық қолдау сабақтары, топтық жұмыстар, тренингтер жүргізіліп жатыр.

Әр тұлғаның ішкі жан дүниесін тыңдай отырып, психологиялық көмек беру мақсатында, кеңес беру жұмыстары оқушылармен топтық және жеке барлығы — 132, ата аналар үшін — 12, педагогтер үшін-11 әңгімелесулер мен кеңес жұмыстары жасалынды.
Ата-аналармен жұмыс. 2018-2019 оқу жылдың қыркүйек – қазан айларында жоғары класс мектеп оқушыларының ата – аналарына төмендегідей бағытта:
1. Жасөспірімнің ақпараттық қауіпсіздігін қамтамасыз етумен интернет-тәуелділік қалыптасуының алдын алу бойынша;
2. Кәмелетке толмаған балалардың суицидтік (ауто-деструктивті) мінез-құлқының алдын алу.
3. Отбасылық құндылықтарды ілгерілету және нығайту: бала тәрбиесі үшін отбасы берекесінің маңыздылығы тақырыптарында психологиялық көмек беру мақсатында,
«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ!» атты конференция өтті.
Қараша айында “Жасөспірімдердің денсаулығы мен өмірлік дағдыларын қалыптастыру және суицидтің алдын-алу” бағдарламасы бойынша ата-аналарға дәріс жүргізіліп, оқушылардан сауалнама алуға ата-аналардан келісім алынды. Хаттама толтырылып, қорытынды есеп, акт жасалынды. Ерекше оқытуды қажет ететін оқушылардың ата-аналарымен оқушылардың жарты жылдық жұмыстары таныстырылып, жиналыс өткізілді.

Кәсіби бағыт-бағдар жұмысы бойынша 9-11 класс оқушыларымен «Мамандықтың бәрі жақсы», “Бақыттың кілті байлықта емес” атты тренинг-сабақтар, Д.Голлонд тест жұмысы, «Сенің кәсіби ой-ниетің» сауалнамасы, темперамент анықтауға байланысты Айзенк әдістемесі жүргізілді. 11 класс оқушыларына ҰБТ –ға байланысты жеке, топтық кеңестер жүргізіліп, дәрістер оқылды.
Тәрбие бағыты бойынша 5 қазан Қазақстан бойынша «Қыздар күні» мейрамына сәйкес, және қыздар ұйымының жоспарлы түрде отырысы бойынша, 6,7,8,9,10 класс қыз балалармен кездесу өтті. Кездесу әр түрлі мәселелер бойынша, түсіндірме жұмыстары жүргізілді.

Мектепте «Сенім жәшігі» мен «Сенім телефоны» жұмыс жасайды, онда түскен оқушылардың , басқа да жеке тұлғалардың ойларына , сұрақтарына жеке және топтық түрде жауаптар беріліп отырылды. Барлығы «Сенім жәшігіне» — 4 хат түсті, оның ішінде мұғалім тарапынан-0 ата – ана тарапынан – 0, оқушы тарапынан – 4 хат түсті. «Сенім телефонына» ата-анадан 4 хабарлама түсті. Әр бір хатқа және қоңырауға уақытылы кеңестер мен ұсыныстар жасалып, тіркеу журналына жазылды.
Мектеп бойынша есепте тұрған-8 оқушымен психологиялық түзету-дамыту жұмыстары жоспарға сүйеніп жүргізіліп отыр, 14 — тәуекел топқа дін жолындағы, екпе алмаған оқушылармен түзету түсіндіру жұмыстары жүргізіліп жатыр.
Жасөспірімдердің денсаулығы мен өмірлік дағдыларын қалыптастыру және суицидтің алдын-алу” бағдарламасы бойынша 8-10 класс оқушыларынан онлайн түрде 330 оқушы сауалнама алынып, нәтижесінде 6 – оқушы қауіп топтың түрлі шкалалары бойынша тіркеуге алынды. Бұл оқушылармен жартылай сұхбат жүргізіліп, психологиялық көмек берілді. Күнделікті психологтың бақылауында тіркеуде тұр. Сұраныс бойынша 1-11 класс оқушыларымен күнделікті психологиялық түзету дамыту сабақтары, жеке кеңестер жүргізіліп отырады.

2018-2019 оқу жылының бірінші жарты жылдығы бойынша ата –аналардың, класс жетекшілердің сұранысы бойынша, оқушылармен психологиялық түзету және дамыту жұмыстары топтық және жеке түрде өткізіліп отырды.

Қорыта келе, жүргізілген психолог жұмысы жоспарға сай жүзеге асып келеді. Жүргізілген жұмыстар уақытында қорытындыланып, таныстырылып отырылды. Өткізілген психологиялық шаралар мектеп проблемасымен ұштастырылып отырды.