Психологиялық қызметтің 2018-2019 оқу жылы III тоқсан бойынша есеп талдауы.

Психологиялық қызметте мектеп проблемасы негізінде жылдық жоспар құрылып, жүзеге асырылуда. Осы жоспарға сүйене отырып, психологиялық қызмет келесі бағыттар бойынша жүзеге асты: психодиагностика, кеңес беру, түзету-дамытушылық, ағартушылық-профилактикалық, әлеуметтік-диспетчерлік бағыттар, тәрбие бағыты.
Қаңтар айында 7 класс оқушыларына Айзенк әдістеме сауалнамасы алынып, оқушылардың темперамент типі анықталынып, қорытындысымен таныстырылды.
11 класс оқушыларына “Стресс және дағдарыстан құтылу” тақырыбында психологиялық сабақ өткізілді. Мақсаты: Кәсіби таңдауларын анықтап, дұрыс мамандық таңдауларына жол көрсету, стрестің алдын алу.

Психодиагностикалық бағыт бойынша 6 класс оқушыларының арасында Б.Басстың “Тұлғаның бағыттылығын анықтау” әдістемесі жүргізілді. Оқушыларға ұсыныстар беріліп, талқыланып, қорытындыланды.
Ата-анамен жұмыс бағыты бойынша “ҰБТ-ға даярлауда ата-ананың қолдауы.” тақырыбында 11 класс ата-аналарымен психологиялық қолдау сабақ, топтық кеңестер өткізілді. Мақсаты: ата-аналарға балаларды ҰБТ-ға даярлаудың психологиялық негіздерімен таныстыра отырып, ата-аналар мен балалардың ҰБТ жөнінде түсініктерін кеңейту.

Кәсіптік бағыт-бағдар бағыты негізінде 9 – класс оқушыларына арналған Д.Голлонд тест жұмысы алынды. Оқушының кәсіби өзін табу жағдайына психологиялық көмек беру, және қызығушылық қабілетін айқындау. Оқушылардың сауалнама жауаптары қорытындыланып, оқушылармен мамандық таңдау бойынша жеке кеңестер жүргізілді.
Ағартушылық-профилактикалық бағыт негізінде 4 класс оқушыларымен ОЖСБ-ға дайындық барысында “Тапқырлық алға тартар”, “Сенімділік күш береді” тақырыптарында психологиялық қолдау сабақтары жүргізілді.

Түзету-дамыту бағыты бойынша “Ерекше оқуды қажет ететін” оқушылардың барлығы қалалық ПМПК-ның шешімімен инклюзивті оқыту бойынша оқытылып жатыр. 2018-2019 оқу жылы бойцынша 12 оқушы тізімге алынды. Бұл ерекше оқушылармен жүргізілетін жұмыстар жоспар бойынша бір жылға жеңелдетілген түрде, психокоррекциялық бағытта құрылып бекітілді. Психологиялық түзету және дамыту жұмыстары кестеге сәйкес, жеке түрде жетісіне бір сағат жүргізіліп отыр. Соның ішінде ой-өрісін дамытатын психологиялық жаттығулар мен ойындар түрі «Мен қандаймын» , «Менің жетістігім» жүргізілді. Таным қабілеттеріне байланысты суреттік тестер, «Төрт суретті тап», «Артықты ал», есте сақтауға байланысты суреттік тапсырмалар жүргізілді.

Ақпан айында “Инклюзивті” оқыту бойынша оқушылармен жұмыс барысында өткізілген “Мейірімділік-жылулық шуағы” тақырыбында психологиялық қолдау сабағы өткізілді. Мақсаты: Оқушылардың мейірімділік, қайырымдылық құндылықтары туралы түсініктерін кеңейту, өзара сыйластық қарым-қатынастарын дамыту, мейірбандыққа тәрбиелеу.
Оқушылар жоспарға сәйкес “Орнынды тап” жаттығуы, қиылған қағаздардан сөз құрастыру, айырмашылығын тап, сиқырлы қобдиша, рефлексияға “тілек ағашы” жаттығуларын орындап, сабаққа белсенді түрде қатысты.

2018-2019 оқу жылында психологиялық қызметтің «үйден» оқыту тізіміне мектеп бойынша 6 оқушы тізімге алынды. Оқушылармен аптасына 1 рет жоспар бойынша психологиялық қолдау сабақтары өткізіліп отырды. Оқушылардың түйсік, ес, қиял, ойлау, зейін қабілеттері зерттелді. Оқушылардың таным қабілеттерінің дамуы түрлі әдістер арқылы зерделенді. Суреттік тапсырмалар арқылы түйсік пен зейіннің ауысуын зерделенді. Оқушылардың графикалық түсіну дәрежесін түрлі-түсті ұқсастық суреттер арқылы дамыту жұмыстары жүргізілді.
“Суреттерден артық заттарды табу”, “Төртінші артық”, “Не жетпейді”, “Ұқсастықты тап” әдістері арқылы оқушылардың таным қабілеттерін зерттеуге арналған жаттығулар орындатылды. “Отбасыма деген қарым-қатынасым” тақырыбында тренингтер өткізілді. Ертегі терапиясы, құм терапиясы, арттерапия бойынша оқушылармен жұмыстар жүргізілді.

Ақпан айында 9-11 класс қыздарының арасында “Жыныстық тәрбие” тақырыбында Арасан орталығының гинеколог, психологтарымен бірлесе отырып қыздар жиналысы өткізілді. Мақсаты: жасөспірімдердегі ерте жүктіліктің алдын алу болып табылады. Өскелең жастар мораль және жыныс тәрбиесі бойынша сұрақтар қойды. Контрацепцияның әр түрлі қолжетімді әдістері, жыныс арқылы берілетін жұқпалы аурулардың алдын алу және салауатты өмір салтын сақтау туралы ақпараттар жеткізілді.

9 класс оқушыларымен “Бейіміне қарай мамандық таңдау” тақырыбында онлайн-тест жұмысы жүргізілді. Мақсаты:Оқушының кәсіби бағдарын анықтау, психологиялық дайындығын шыңдау.

Мектеп бойынша есепте тұрған 6 оқушымен психологиялық түзету-дамыту жұмыстары жоспарға сүйеніп жүргізіліп отыр, психологиялық қолдау сабақтары, жеке кеңестер, профилактикалық жұмыстар, “Құқықбұзушылықтың алдын алу” тақырыбында сауалнамалар өткізілді. 14 тәуекел топқа дін жолындағы, екпе алмаған оқушылармен профилактикалық түсіндіру жұмыстары жүргізіліп жатыр. 2018-2019 оқу жылының ақпан айында “Сен агрессияны қалай жеңесің?” тақырыбында оқушыларға агрессияны болдырмаудың жолдарын түсіндіре отырып. Бейнероликтер көрсетіліп, талқыланды. Оқушылардан осы сұраққа өздері қалай жауап беретінің тыңдап, пікір алмасу жұмысы жүргізілді. Консультативтік бағыт бойынша 1 Наурыз- Алғыс айту күніне орай мектебімізде “Алғыс айта білеміз бе?” тақырыбында алғыс жәшігі қойылды. Оқушылар белсене қатысып, өздерінің ата-аналарына, ұстаздарына, достарына жүрекжарды ақ тілектерін, алғыстарын білдірді. 3 класс оқушыларымен “Тапқырлық алға тартар” тақырыбында психологиялық қолдау сабақтары өткізілді. Мақсаты: Оқушылардың зейін деңгейін анықтап, жоғарылату, топпен бірге жұмыс жасауды дамыту, оқушыларды сергіту.

Тәрбие бағыты бойынша Құқықбұзушылық – қоғамдық қауіпті сипаты бар, жауап беруге қабілетті тұлға жасаған кінәлі құқыққа қайшы әрекет. Аталмыш бастама бойынша директордың тәрбие ісі жөніңдегі орынбасары, мектеп психологы, класс жетекшілері “Құқықбұзушылықтың алдын-алу” тақырыбында 9-11 класс оқушылары үшін түсіндіру жұмыстарын жүргізіп, арнайы бейнебаяндар көрсетті. Шара соңында оқушылардың көзқарасы сұралып, сауалнама алынды.

Әр тұлғаның ішкі жан дүниесін тыңдай отырып, психологиялық көмек беру мақсатында, кеңес беру жұмыстары оқушылармен III-тоқсан бойынша топтық және жеке барлығы — 22, ата аналар үшін — 5, педагогтер үшін-12 әңгімелесулер мен кеңес жұмыстары жасалынды.
Мектепте «Сенім жәшігі» мен «Сенім телефоны» жұмыс жасайды, онда түскен оқушылардың , басқа да жеке тұлғалардың ойларына , сұрақтарына жеке және топтық түрде жауаптар беріліп отырылды. III-тоқсан бойынша «Сенім жәшігіне» — 4 хат түсті, оның ішінде мұғалім тарапынан-0 ата – ана тарапынан – 0, оқушы тарапынан – 4 хат түсті. «Сенім телефонына» хабарлама түспеді. Әр бір хатқа және қоңырауға уақытылы кеңестер мен ұсыныстар жасалып, тіркеу журналына жазылды.

Қорыта келе, жүргізілген психолог жұмысы жоспарға сай жүзеге асып келеді. Жүргізілген жұмыстар уақытында қорытындыланып, таныстырылып отырылды. Өткізілген психологиялық шаралар мектеп жағдаяттарымен ұштастырылып отырды.